Dál lea ohcanportála rabas - áigemearit ja oahppofálaldagat čakčat
Dál lea ohcanporála Samordna opptak rabas nu ahte sáhtát ohcat alitohppui. Oahput álget čakčat 2026. Ohcanáigemearri lea cuoŋománu 15. beaivvi 2026 eanas oahpuide.
Fuomáš ahte njukčamánu 1. beaivvi lea áigemearri jus don áiggut ohcat reálagelbbolašvuođa vuođul dahje jus dárbbašit iešguđet ákkaid geažil árrasisaváldima bokte ohcat - loga eambbo geat sáhttet ohcat árrasisaváldima áigemeari siskkobealde dás.
Muitte ahte duođaštusat galget maid biddjot mielddusin go ozat. Jus dus eai leat dat vel sajis, de sáhtát daid maŋŋil laktit sisa, muhto goit ge áigemeriid siskkobealde - geahča áigemeriid dás.
Jus dus leat jearaldagat, de váldde oktavuođa oahppohalddahus@samas.no dahje sáhtát riŋget maid telefuvdnii +47 78448400 ja bivdit Oahppohálddahusa bargiid ságaide. Sii hupmet sihke sáme-, dáro-, ruoŧa-, suoma-, ruošša- ja eŋgelasgiela.
Sámi allaskuvlla oahpuid mat álget 2026 čavčča:
Listu ođasmahttojuvvo dađistaga – eambbo ovttaskas oahput sáhttet almmuhuvvot.
- Prográmmaoahput
Sámi vuođđoskuvlaoahpaheaddjeoahppu 1.-7. ceahki master
Sámi vuođđoskuvlaoahpaheaddjeoahppu 5.-10. ceahki master
GMOA Sámi mánáidgárdeoahpaheaddjeoahppu - geabbilis prográmma
- Oahppoovttadagat
Sámi praktihkalaš pedagogalaš oahppu 5.-13. cehkiide
Sámi praktihkalaš pedagogalaš oahppu fidnofágii, 8.-13. cehkiide
DUL-1000 Innføring i tolking, lulesamisk-norsk
DUL-1000 Innføring i tolking, sørsamisk-norsk
DUO-1014 Árbevirolaš duoji bajásdoallan ja ealáskahttin
DUO-1015 Plánen, hutkáivuohta ja duddjon
JUR 103 - Sámi riekteipmárdusat
OKT 304 Sámegiela ja sámi girjjálašvuođa dutkanhistorjá
OKT 305 Akademalaš čállinseminára
OKT 307 Dieđalaš bargu ja dutkanmetodat
PED-6501 Samisk språk, kultur og tradisjoner i alle barnehager – videreutdanning for barnehagelærere
PED-6502 Samisk språk, kultur og samfunn – videreutdanning for grunnskolelærere
SÁM-0104 Davvisámegiela álgokurssa 2. oassi