OKT 304 Sámegiela ja sámi girjjálašvuođa dutkanhistorjá

• Oahpu lágideapmi: Oassi oahpahusas lágiduvvo fysalaš deaivvadeapmin Guovdageainnus, ja oassi neahttaoahpahussan.
• Oahpahusgiella: Davvisámegiella lea váldooahpahusgiella. Eará sámegielat ja suoma-, ruoŧa-, dáro- ja eŋgelasgiella sáhttet adnojuvvot omd. guosselogaldallamiin. 
• Oahppokoda: OKT 304
• Oassin Sámegiela ja sámi girjjálašvuođa masterprográmmas
• 10 oahppočuoggá
• Oahppoplána
• Lohkanmearri
• Liŋka: Diibmoplána
• Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no

Dát oahppu lea oassin sámegiela ja sámi girjjálašvuođa masterprográmmas, ja dan sáhttá lohkat ovttaskas oahppun.

Oahpus oahpásnuvvat sámegiela ja sámi girjjálašvuođadutkama historjái, 1600-logu rájes dálá áigái. Oahpus guorahallat sámegiela ja sámi girjjálašvuođa guovddáš dutkansurggiid ja dain geavahuvvon metodaid ja materiálaid. Oahpus čiekŋut dáládutkamii čálalaš ja njálmmálaš bargguid vehkiin.