OKT 307 Dieđalaš bargu ja dutkanmetodat
Oahppoovttodat gullá Sámegiela ja sámi girjjálašvuođamasterprográmma oktasaš geatnegahtton oahpuide.
- Oahpahusgiella: Davvisámegiella lea váldooahpahusgiellan. Eará sámegielat ja suoma-, ruoŧa-, dáro-ja eaŋgalsgiella sáhttet adnojuvvot omd. guosselogaldallamiin.
- Oahpu lágideapmi: Oassi oahpahusas lágiduvvo fysalaš deaivvadeapmin Guovdageainnus, ja oassi neahttaoahpahussan.
- Oahppokoda: OKT 307
- 10 oahppočuoggá
- Oahppopl\u00e1na
- Liŋka: Diibmoplána
- Liŋka: Lohkanmearri Legantos
- Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no
Oahppoprográmma gullevašvuohta
Oahppu gullá Sámegiela ja sámi girjjálašvuođamasterprográmma oktasaš geatnegahtton gurssaide.
Oahpu sisdoallu
Oahppu láide dieđateoriijai ja studeanttat ožžot vuođđoáddejumi dutkama iešvuođain, ulbmiliin ja bargovugiin. Studeanttat oahpásmuvvet iešguđetlágan diehtovuogádagaide. Dáid lassin guorahallojuvvojit iešguđet dieđasurggiid filosofalaš ja metodologalaš vuolggasajit –earet eará árbevirolaš diehtovuogádagaid vuolggasajit. Oahpu geavatlaš ulbmin lea eandalii doarjut studeanttamasterbarggu ráhkadeamis.
Studeanta ávžžuhuvvo válljet dán oahpu geatnegahtton bargguide dakkár temáid ja fáttáid, mat laktásit su iežas masterbargui.
Oahpahan - ja oahppanvuogit
Logaldallamat, ruovttubarggut, joavkobarggutja seminárat. Seminárain studeanttat galget ovdanbuktit iežaset bargguid ja kommenteret mielstudeanttaid ovdanbuktimiid.