SÁM-1005 Morfologiija ja syntáksa I
Oahpus guorahallat davvisámegiela sojahanhámiid paradigmáhtalaš ja morfologalaš čilgenvugiid.
Oahppu gullá sámegiela ja sámi girjjálašvuođa bachelorprográmma fágaoahpuide.
- Oahpahus- ja eksámengiella: Oahpahus- ja eksámengiella lea davvisámegiella.
- Oahppočuoggá: 10
- Oahppoáigi: ovtta lohkabáji badjel
- Oahpahan- ja oahppanvuogit: Oahpahan- ja oahppanvuogit leat logaldallamat, čálalaš ja njálmmálaš hárjehusat, semináraovdanbuktimat, joavkobarggut, iešheanalaš barggut, bagadallamat ja semináraoassálastin.
Oahpu lágideapmi: Neahttadoarjjaoahpahus, oassi oahpahusas lágiduvvo fysalaččat Sámi allaskuvllas ja oassi neahttaoahpahussan. Ii leat vejolaš searvat fysalaš deaivvademiide neahta bokte.
Diibmoplána ja deaivvadanplána: TimeEdit
Ohcanwebas vállje : " 2138 Morfologiija ja syntáksa I (Bachelornoivå) 10sp"
- Sisabeassangáibádusat:
• Dábálaš sisabeassangáibádusat alitohppui. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla, logahaga dahje gymnása) dahje reálagelbbolašvuohta. Oppalaš lohkangelbbolašvuođa gáibádusat olgoriikkaohcciide bohtet ovdan GSU-listtus. Go oahppu lágiduvvo sámegillii, de olgoriikkaohcciide ii gusto dárogielgáibádus, vrd. Forskrift om opptak til høgare utdanning § 2-2 (6).
• Sámegielmáhttu
• Čađahan SÁM-1000 Láidehus gielladiehtagii (10 oč.) dahje vástideaddji oahpu
Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200–300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul
- Oahpu sisdoallu:
Oahpu morfologiijaoasis deattuhuvvo sojahanmorfologiija ja -morfofonologiija, muhto namuhuvvojit maid oanehaččat sátneráhkadeami vuođđoáššit. Oahpus guorahallat davvisámegiela sojahanhámiid paradigmáhtalaš ja morfologalaš čilgenvugiid. Studeanta oahpahallá buvttadit sojahanhámiid giellaoahpaid sojahanminstariid vuođul ja čilget makkár morfologalaš oasit sojahanhámiin leat.
Oahpu syntáksaoasis deattuhuvvojit cealkkalahtuid iešvuođat ja cealkkačoavdima (cealkkaanalysa) vuođđoáššit
- Gáibádusat beassat eksámenii
Čuovvovaš gáibádusat leat eaktun beassat eksámenii:
• Studeanta galgá leat ožžon dohkkehuvvot vihtta (5) 1–3-siidosaš geatnegahtton čálalaš barggu. Bargguide gullá geatnegahtton bagadallan.
• Studeanta galgá leat searvan geatnegahtton seminárii mas lea ovdanbuktán ovtta dan viđa geatnegahtton barggus ja opponeren unnimusat ovtta eará studeantta barggu.
- Eksámen
Guđa (6) diimmu oktagaslaš čálalaš skuvlaeksámen.
Árvosánit addojuvvojit ECTS vuogádaga mielde, mas A lea buoremus árvosátni ja E lea vuolemus ceavzinárvosátni. F árvosátni mearkkaša ahte ii leat ceavzán
Jus leat jearaldagat mat gusket oahpposaji ohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain e-boastta bokte: oahppohalddahus@samas.no