BA - Ovttaskas oahput
SER 103

SER 103 - Olmmoš ja biras

Oza ohppui

Oahpu sisdoallu: Oahppu oahpista dasa movt sáhttá geavahit sámi máhttovuođu ja dutkanvuđot dieđuid erenoamážit ehtalaš gažaldagaid dáfus.

  • Oahpahus- ja eksámengiella: Oahpahus- ja eksámengiella lea davvisámegiella. Muhtun logaldallan sáhttá davviriikkalaš gielaide dehe eŋgelasgillii. Oahpahus eŋgelasgillii ii dulkojuvvo. Eará gielaid oahpahus dulkojuvvo dárbbu mielde.   
  • Oahppočuoggá: 10 
  • Oahppoáigi: Ovtta lohkanbaji badjel
  • Oahpahan- ja oahppanvuogit: Oahpahus lágiduvvo logaldallamin, ekskuršuvdnan, joavkobargun, individuála bargun, bagadallansemináran ja čuovvovaš studeantaságastallamin. Dollo(jit) oahpahusdeaivvadeapmi/-deamit Sámi allaskuvllas, ja oassi lea neahttaoahpahus. Dasa lassin lea ekskuršuvdna. Vurdojuvvo ahte studeanttat servet aktiivvalaččat deaivvademiide ja neahttaoahpahussii.

  • Oahpu lágideapmi: Oassi oahpahusas lágiduvvo fysalaččat Sámi allaskuvllas ja oassi neahttaoahpahussan.
      
    Diibmoplána ja deaivvadanplána: TimeEdit 

    Ohcanwebas vállje: " 4021 Olmmoš ja biras (Bachelornivå)10sp"

 

Sisabeassangáibádusat:
  • Dábálaš sisabeassangáibádusat alitohppui. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga/gymnása) dahje reálagelbbolašvuohta. Oppalaš lohkangelbbolašvuođa gáibádusat olgoriikkaohcciide bohtet ovdan GSU-listtus. 
  • Davvisámegielmáhttu. 

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200–300 čuoggá) dahje vástideaddji sámegieloahppu doaibmi njuolggadusaid mielde. 

Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Oahpu sisdoallu: 

Oahppu oahpista dasa movt ságastit ja vávjevaččat árvvoštallat birasvalljodagaid ávkkástallama ja daid rievdadusaid. Dát dahkko ovdamearkkaid bokte mat fátmmastit sihke siskkáldas sámi servodaga ja maiddái viidát guoski nuppástuvvamiid mat gusket valljodatváriid ja birrasa máŋggabealatvuođa bistevašvuhtii. 

Gáibádusat beassat eksámenii:

Ovdal beassá eksámenii, studeanta galgá: 

  1. Joavkkus válljet ovtta sisabahkkenášši muhtun sámi guovllus ja suokkardallat sámi ehtalaš jurddahanvugiid dan ášši ektui ja ovdanbuktit studeantajovkui. 
  2. Čađahan ja ožžon dohkkehuvvot 4-5 siidosaš individuála čálalaš barggu olbmo ja birrasa gaskavuođaid birra maid ovdanbuktá bagadallansemináras. 
Eksámen 

Njálmmálaš eksámen: 10-minuhta ovdanbuktin individuála čálalaš barggu birra ja lassin 10-minuhta ságastallan. 

Eksmenbargu árvvoštallojuvvo ECTS-vuogádaga árvosániid mielde, mas buoremus árvosátni lea A ja vuolimus ceavzinárvosátni lea E. F-árvosátni mearkkaša ahte ii leat ceavzán.

Oahppoplána 

Jus leat jearaldagat mat gusket oahpposaji ohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain e-boastta bokte: oahppohalddahus@samas.no

Oza ohppui