Geassemánnu 20. beaivi 2024

It leat vel ohcan oahpposaji čakčii? Mii leat guhkidan ohcanáigemeari!

Oahput main oahpahus lágiduvvo olggobealde Guovdageainnu:

- SAAL1 ÅAR Åarjelsaemiengïele fïerhten biejjien jieliemisnie – aalkoeööhpehtimmie 1, Aarbortes ohcanáigemearri 01.08.2024

SÁM-0104 Davvisámegiela álgokurssa 2. Oassi, Girkonjárggas ohcanáigemearri 01.08.2024

PED 611-3 Andrespråkspedagogikk modul 3, Girkonjárggas ohcanáigemearri 01.09.2024

PED 611-4 Andrespråkspedagogikk modul 4, Girkonjárggas ohcanáigemearri 01.09.2024

 

Oahput main lea oahpahus deaivvademiid bokte Guovdageainnus ja neahta bokte:

SÁM 100 Gielladieđa ja fonetihkkaohcanáigemearri 01.09.2024

SÁM 111 Sámi girjjálašvuođa vuođđokursaohcanáigemearri 01.08.2024

OKT 101 Eamiálbmotfilosofiijaohcanáigemearri 01.08.2024

- OKT 102 Dieđalaš čállin ja guorahallan, ohcanáigemearri 01.08.2024

DUO-1004 Árbevirolaš duoji bajásdoallan ja ealáskahttin, ohcanáigemearri 01.08.2024

- DUO-1005 Plánen, hutkáivuohta ja duddjonohcanáigemearri 01.08.2024

BEA 203 Boazoealáhusa ekonomiija ja doaibmabirasohcanáigemearri 01.08.2024

BEA 204 Bachelorčálusohcanáigemearri 01.08.2024

JUR 201 Boazoealáhusa lágat ja riektevuođđuohcanáigemearri 01.09.2024

OKT 304 Sámegiela ja sámi girjjálašvuođa dutkanhistorjáohcanáigemearri 01.08.2024

OKT 305 Akademalaš čállinsemináraohcanáigemearri 01.08.2024

OKT 307 Dieđalaš bargu ja dutkanmetodatohcanáigemearri 01.08.2024

SAMAS Sámegiela ja sámi girjjálašvuođa masterohcanáigemearri 01.08.2024

 

Oahput mat lágiduvvojit neahta bokte:

- PED-1001 Introduction to Indigenous perspectives on special educationohcanáigemearri 01.08.2024

SAM 602 Samisk språkdidaktik med fokus på språkanvändande och berättande texterohcanáigemearri 01.09.2024

 

Sisabeassangáibádusat

Oahpuid sisabeassabeassangáibádusat čilgejuvvojit oahpuid liŋkkain dás badjelis. Váldogáibádussan beassat studeantan Sámi allaskuvlii lea oppalaš lohkangelbbolašvuohta ja eanas oahpuide gáibiduvvo vel dihto dási sámegielmáhttu. Jus dus ii leat oppalaš lohkangelbbolašvuohta, de sáhtát ohcat reálagelbbolašvuođa vuođul. 

Oppalaš lohkangelbbolašvuođa gáibádusat gávdnojit Samordna opptak siiddus.

Mii lea reálagelbbolašvuohta?

Reálagelbbolašvuohta lea gelbbolašvuohta maid leat háhkan ovdamearkka dihte fidnohárjehallamis, bálkákeahttas barggus, organisašuvdnadoaimmain, kurssain dahje eará oahppoduogážis. Ohcci bargo – ja oahppoduogáš árvvoštallojuvvo dan oahppofálaldaga gáibádusa ektui masa ohcá.

Váldogáibádussan lea:  

  • ahte ohcci galgá deavdán 25 jagi dahje deavdá 25 jagi dan jagi go álgá ohppui
  • ahte ohccis lea unnimusat vihtta jagáš bargo/oahppovásáhus
  • ahte ohccis gáibiduvvo dihto dási sámegielmáhttu, ja sáhttá maid gáibiduvvot dihto dási eŋgelasmáhttu ja gelbbolašvuohta eará fágain. 

Reálagelbbolašvuođagáibádusat gávdnojit Sámi allaskuvlla sisaváldinnjuolggadusain.

Duođaš ahte deavddát sisabeassangáibádusaid

Muitte laktit duođaštusa ahte deavddát sisabeassangáibádusaid nu jođánit go vejolaš maŋŋel go ohcan lea registrerejuvvon.

Jus dus leat gažaldagat sisabeassangáibádusaid ektui,  de váldde áinnas oktavuođa oahppohálddahusain e-boasta bokte: oahppohalddahus@samas.no