SÁM 111 Sámi girjjálašvuođa vuođđokursa
- Oahpahusgiella: Davvisámegiella
- Oahpahusbáiki: Sámi allaskuvllas
- Oahppokoda: SÁM 111
- 10 oahppočuoggá
- Oahppoplána
- Diibmoplána ja deaivvadanplána: TimeEdit
- Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no
Sisdoallu:
Oahppoollisvuohta addá vuođđo-ja guovddáš dieđuid sámi girjjálašvuođas ja dan historjjás, njálmmálaš girjjálašvuođas ja dutkamis dieđan, ja maiddái vuođđogálggaid sátnedáiddadujiid analyseremii ja dulkomii.
Oahppanjoksosat:
Sámi girjjálašvuođa vuođđokurssa maŋŋá studeanta máhttá suokkardit, makkár analyseren-, dulkon- ja árvvoštallanprinsihpat leat kultuvrralaččat heivvolaččat dujiide, mat ovddastit sámi girjjálašvuođa njálmmálaš ja čállon šlájaid. Studeanta ipmirda oppalaččat, makkár mearkkašupmi njálmmálaš ja čálalaš girjjálašvuođa teavsttain leamaš ja lea Sámi servodagain ja kultuvrras. Studeanta dovdá maiddá oppalaččat sámi girjjálašvuođa šlájaid ovdáneami ja historjjá.
Oahppu lea oassin Sámegiela ja sámi girjjálašvuođa bachelorprográmmas, muhto lea rabas eará studeanttaide maid.
Sisabeassangáibádusat
- Oppalaš lohkangelbbolašvuohta dahje reálagelbbolašvuohta
- Sámegielmáhttu
Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul
Koordinator
