Guhkiduvvon ohcanáigemearri 2023 giđa oahpuin

Sámi allaskuvla lea guhkidan ohcanáigemeari oahpuide mat álget giđđalohkanbajis.

Oahpuin main leat ain guoros oahpposajit:

Sámegiella ja sámi girjjálašvuohta

• Sámegiella ja sámi girjjálašvuohta 2. Ohcanáigemearri 25.12.22.
• SÁM 110 Sámegiella njálmmálaš ja čálalaš giellan. Ohcanáigemearri 25.12.22.
• SÁM 104 Davvisámegiela cealkkaoahppa. Ohcanáigemearri 01.02.23.
• SÁM 105 Sámi girjjálaš muitalanárbi ja dan oktavuohta teáhterii ja filbmii. Ohcanáigemearri 25.12.22.

Sámegiela ja sámi girjjálašvuođa bachelorgráda oahppoovttadagat

• SÁM 215 Sámi girjjálašvuohta: teoriijat ja metodat. Ohcanáigemearri 02.02.23.
• SÁM 216 Giellagáhtten 2. Ohcanáigemearri 25.12.22.
• SÁM 213 Bachelorbargu. Ohcanáigemearri 25.12.22.

 Sámegiela ja sámi girjjálašvuođa masterdási oahppoovttadat

• SÁM 304 Eamiálbmotgirjjálašvuohta – historjá, dutkan ja teoriijat. Ohcanáigemearri 01.01.23.

Servodatoahppu

• SER 181 Sámi kultur - ja servodatdiehtu 2. Ohcanáigemearri 15.01.23.

Duodjeoahppu

• DUO 244 Duodji ja ovdánahttin. Ohcanáigemearri 02.01.23.

Boazoealáhus bacheloroahpu oahppoovttadat

• SER 104 Árbevirolaš sámi ealáhusdoaimmat odne. Ohcanáigemearri 01.02.23.
• SER 103 Olmmoš ja biras odne. Ohcanáigemearri 25.12.22.
• JUR 102 Almmolaš eanan- ja čáhcehálddašeapmi sámi guovlluin, ja dan diehtovuođđu. Ohcanáigemearri 01.02.23.

Journalistihkka

• JOU 181 Filbma buvttadeapmi: Sámi ja álgoálbmot muitalusat filmmaid bokte. Ohcanáigemearri 20.01.23.

Joatkkaoahppu

• Andrespråkspedagogikk - modulbasert videreutdanning
  Ohcanáigemearri modul 1: 09.01.23.
  Ohcanáigemearri modul 2: 01.02.23.
   

Ohcanvuogádat: Báikkálaš ohcanvuogádat/Søknadsweb  

 
Sisabeassangáibádusat 
Gáibádussan beassat studeantan Sámi allaskuvlii lea oppalaš lohkangelbbolašvuohta ja sámegiella. Jus dus ii leat oppalaš lohkangelbbolašvuohta, de sáhtát ohcat reálagelbbolašvuođa vuođul. Sámi allaskuvlla vuođđooahpuin ja eanaš eará oahppofálaldagain gáibiduvvo dihto dási sámegielmáhttu. Muhtin oahppofálaldagain sáhttet erenoamáš gáibádusat. Dát čilgejuvvojit sierra iešguđet oahppofálaldagas. 

Oppalaš lohkangelbbolašvuođa gáibádusat gávdnojit Samordna opptak siiddus. 
 
Mii lea reálagelbbolašvuohta? 
Reálagelbbolašvuohta lea gelbbolašvuohta maid leat háhkan ovdamearkka dihte fidnohárjehallamis, bálkákeahttas barggus, organisašuvdnadoaimmain, kurssain dahje eará oahppoduogážis. Ohcci bargo – ja oahppoduogáš árvvoštallojuvvo dan oahppofálaldaga gáibádusa ektui masa ohcá.

Gáibádussan lea:   

• ahte ohcci galgá deavdán 25 jagi dahje deavdá 25 jagi dan oahppojagi go álgá ohppui, ja 
• ahte ohccis lea unnimusat vihtta jagáš bargo/oahppovásáhus.
   

Jus leat gažaldagat ohcama oktavuođas sáhtát váldit oktavuođa oahppohálddahusain e-boasta bokte: oahppohalddahus@samas.no