Kapihttal 16 PhD-gráda hálddašeapmi Sámi allaskuvllas

Ulbmil

Dokumeanta galgá sihkkarastit ahte PhD-gráda hálddašeamis Sámi allaskuvllas lea alla kvalitehta.

Doaibmaguovlu

Dokumeanta čilge PhD-gráda hálddašeami bargojuogu.

Lágat ja njuolggadusat

Čuovvovaš lágat ja njuolggadusat regulerejit PhD-gráda hálddašeami Sámi allaskuvllas:

• Universitehta ja allaskuvlaláhka (Lov om universiteter og høyskoler) §§ 3-6, 3-7 og 3-10.
• Forskrift om standarder og kriterier for akkreditering av studier og kriterier for akkreditering av institusjoner i norsk høyere utdanning § 2-3.
• Nasjonalt kvalifikasjonsrammeverk for høyere utdanning.
• Sámi allaskuvlla filosofiija doavttergráda láhkaásahus
• Doavttergrádastipendiáhtaid njuolggadusat, mearriduvvon Sámi allaskuvlla stivrras 7.-8.6.2012, S-áššis 18/12.

Gráda hálddašeami ovddasvástádusjuohku

Allaskuvlastivra:

• Bajimus ovddasvástádus doavttergrádaoahpuide
• Ovddasvástida doavttergráda organiserema oppalaš njuolggadusaid mearrideami
• Ovddasvástida PhD-láhkaásahusa mearrideami
• Addá stivrensignálaid allaskuvlla oahppodoaimmaid kvalitehtasihkkarastinbargui
• Nammada dieđadoavttirin
• Ovddasvástida PhD-oahpuid ja oahpposurggiid ásaheami ja heaittiheami
• Mearrida oktasaš gráda ovttasbargošiehtadusaid.

Rektor:

• Ráhkada ohcanskovi oahpposaji ohcamii
• Mearrida makkár čielggadeamit galget leat oassin diplomas, oahppoduođaštusas ja oahppoduođaštusa lasáhusas
• Vuolláičállá diploma, oahppoduođaštusa ja oahppoduođaštusa lasáhusa (Diploma Supplement)
• Vuolláičállá oktasašgráda ovttasbargošiehtadusaid ja «Cotutelle šiehtadusaid»
• Nammada várrelahtu (settemedlem) jus oktage lávdegotti lahtuin dieđiha ahte ii boađe dahje ii boađe nákkáhallamii. 

Direktevra:

• Ovddasvástida PhD-
• Ovddasvástida ahte PhD-oahpu hálddašeami njuolggadusat leat áigeguovdilat ja almmuhuvvon departemeanta, NOKUT:a ja allaskuvlla njuolggadusaid ja gáibádusaid mielde
• Ovddasvástida doavttergráda olaheami virggálaš dohkkeheami ja dieđadoavttirin nammadeami stivrras
• Vuolláičállá «Cotutelle šiehtadusaid».

Dutkan- ja oahppostivra (DOS):

• Sáhttá mearridit lagat njuolggadusaid ovttaskas ohppui fágagođiid evttohusaid vuođul
• Nammada prográmmastivrra juohke dohkkehuvvon doavttergrádaohppui. Unnimusat
• Sáhttá ovddidit earenoamáš duođaštangáibádusa sisaváldima oktavuođas
• Oažžu fápmudusa mearridit kvalifiserejuvvon ohcciid vuoruhaneavttuid, go leat eambbo ohccit go oahpposajit
• Sáhttá mearridit dievasmahtti njuolggadusaid PhD-láhkaásahussii
• Sáhttá mearridit bággejuvvon heaitima doavttergrádaoahpus ovdal šihttojuvvon áiggi. Dákkár heaitin sáhttá mearriduvvot jus okta dahje máŋga dilálašvuođa namuhuvvon láhkaásahusas § 5.5. Avslutning før avtalt tid duođaštuvvo.
• Sáhttá, jus PhD kandidáhtta dahje bagadalli bivdá nammadit ođđa bagadalli kandidáhttii
• Go Sámi allaskuvlla lea dohkkehan ohcama oažžut dutkosa árvvoštallojuvvot, DOS dahje vástideaddji orgána nammada áššedovdi lávdegotti fágasuorggi evttohusaid vuođul, mii galgá árvvoštallat dutkosa ja nákkáhallama 
• Meannuda jearaldagaid mat gusket oažžut lobi unnit rievdademiid dahkat dutkosis, árvvoštallanlávdegotti ávžžuhusaid vuođul
• Galgá bivdit lagat čielggadeami árvvoštallanlávdegottis ja/dahje nammadit guokte ođđa áššedovdi geat buktiba individuála cealkámušaid dutkosa birra, jus Sámi allaskuvllas leat ákkastallojuvvon ákkat eahpidit galgá lávdegotti ovttajienalaš mearrádusárvalusa dohkkehuvvot. Dutkan- ja oahppostivra dahje vástideaddji mearridit ášši mearrádusárvalusa ja čohkkejuvvon cealkámušaid vuođul.
• DOS árvvoštallá lávdegotti juhkkojuvvon mearrádusárvalusa. Jus DOS mearrida eanetlogu cealkámušaid atnit vuođđun mearrádussii, de DOS dahká mearrádusa eanetlogu mearrádusárvalusa mielde. Jus DOS árvvoštallá unnitlogu cealkámušaid atnit vuođđun mearrádussii, de sáhttá DOS dahje vástideaddji, ohcat oažžut dárkilet čilgehusa árvvoštallanlávdegottis ja/dahje nammadit guokte ođđa áššedovdi geat addiba individuála cealkámušaid dutkosii
• Mearrida, lávdegotti mearrádusárvalusa vuođul, leago geahččalanlogaldallan cevzojuvvon vai ii
• Nammada árvvoštallanlávdegottis guokte miellahtu opponeantan
• Mearrida, árvvoštallanlávdegotti mearrádusárvalusa vuođul, leago doavttergrádageahččaleapmi dohkkehuvvon vai ii
• Dohkkeha oahpahusoasi, dutkosa ja doavttergrádageahččaleami
• Oahpposajiohcama hilgumat, oahpporievtti heaittiheami mearrádusat ja oahpahusoasi elemeanttaid dohkkeheami ohcamiid váidaga ovddiduvvojit DOS:ii
• Mearrida dutkosa málle ja hámi.

Fágagoađit:

• Formalisere doavttergrádaprográmma sisaváldima čálalaš šiehtadusain maid doavttergrádakandidáhtta, bagadalli(t) ja fágagoahti gosa kandidáhtta sisaváldo vuolláičállet
• Ovddida evttohusaid áššedovdi lávdegoddái mii galgá árvvoštallat dutkosa ja nákkáhallama ja nammada jođiheaddji lávdegotti miellahtuid gaskkas dahje dáid lassin
• Galgá čuovvut njuolggadusaid ja áigemeriid mat leat mearriduvvon láhkaásahusaid ja kvalitehtasihkkarastinvuogádaga bokte oahppoprográmmaid ja –ovttadagaid kvalitehtasihkkarastima ja hálddašeami ektui
• Hábme čilgehusaid prográmmaide maid hálddašit ja oahppoplánaid iežaset oahpposurggiide guoskevaš gáibádusaid mielde
• Dieđiha dievasmahtti njuolggadusaid ja oahppoplánaid rievdadusaid DOS:ii
• Ásaha, heaittiha ja rievdada oahppoovttadagaid.

Goahtejođiheaddji/dekána ovddasvástida:

• Sáhttá šiehtadit kandidáhtain ahte doavttergrádaoahppu loahpahuvvo ovdal áiggi. Dákkár loahpaheami oktavuođas galgá čálalaččat mearriduvvot mo áššit mat gusket vejolaš virgáibidjandilálašvuođaide, ruhtadeapmái, bohtosiid rivttiide jna. galget čovdojuvvot
• Goahtejođiheaddji gii jođiha goađi masa doavttergrádaoahppu gullá mearrida mii lea dárbbašlaš infrastruktuvra oahpu čađaheapmái
• Goahtejođiheaddji gárve direktevrii vuođuštusa doavttergráda olaheami virggálaš dohkkeheapmái ja dieđadoavttirin nammadeapmái stivrras. Direktevra buktá mearrádusárvalusa Sámi allaskuvlii
• Hábme «Cotutelle šiehtadusaid» vuolláičállimii
  
• Goahtejođiheaddji gárve DOS:ii mearrádusárvalusa áššedovdilávdegotti nammadeamis ja nammada jođiheaddji lávdegotti miellahtuid gaskkas
• Galgá ráhkadit dárbbašlaš šiehtadusaid studeanttaiguin ja čuovvolahttit dáid
• Lea fágalaš ja hálddahuslaš ovddasvástádus oahpu čađaheamis gitta disputeremii
• Dieđiha geahččalanlogaldallama fáttá doavttergrádakandidáhttii
• Jođiha geahččalanlogaldallama ja ráhkada rámmaid dása
• Nammada prográmma koordináhtora.

Prográmmastivra ovddasvástida:

• Prográmmastivrra miellahtut galget leat dutkit geat leat čađahan doavttergráda ja doavttergrádastudeanttat
• Doavttergrádaoahpu studeanttaid sisaváldima
• Čuovvolahttit PhD oahpu studeantaáššiid
• Ovddidit mearrádusárvalusaid dekána/goahtejođiheaddji bokte PhD oahpu guoskevaš áššiin DOS:ii
• Evttohit dekánii/goahtejođiheaddjái geat sáhttet leat bagadallit
• Ovttas bagadalliiguin sihkkarastit ahte doavttergrádakandidáhtta aktiivvalaččat oassálastá dutkanbirrassii
• Vuolláičállit doavttergrádašiehtadusa ovttas bagadalliin ja doavttergrádastudeanttain
• Jus studeanta vállje čađahit dutkankurssa olggobealde doavttergrádaoahpu, galgá prográmmastivra, de galgá prográmmastivra mearridit deavdá go dutkankursa formála gáibádusaid, fágalaš dási ja ahte addá oahppočuoggáid.

Bagadalli ovddasvástida:

• Ovttas DOS:ain sihkkarastit ahte doavttergrádakandidáhtta aktiivvalaččat searvá dutkanbirrasii
• Lea kandidáhta fágalaš váldoovddasvástideaddji
• Mielbagadalli lea fágaolmmoš gii addá bagadallama ja gii juogada kandidáhta fágalaš ovddasvástádusa váldobagadalliin
• Lea geatnegahtton iežas doalahit orienterejuvvon kandidáhta barggu ovdáneami birra ja árvvoštallat dán prošeaktačilgehusa ovdánanplána ektui, vrd. § 5.1
• Lea geatnegahtton čuovvolahttit fágalaš beliid mat sáhttet mielddisbuktit ahte dutkanoahpu čađaheapmi maŋiduvvo, nu ahte oahppu sáhttá čađahuvvot normerejuvvon áigái
• Galgá buktit ráđiid fáttá ja čuolmma formulerema ja ráddjema ektui, digaštallat ja árvvoštallat hypotesaid ja metodaid, digaštallat bohtosiid ja dáid dulkoma, digaštallat lágideami ja ovdanbuktima čađaheami, dakko bokte disposišuvnna, gielalaš hámi, dokumentašuvnna, ja galgá  leat veahkkin gávdnat fágagirjjálašvuođa ja dieđalaš gálduid girjerádjosiin, arkiivvain ja sullasaččain
• Addit bagadallama dutkosii guoskevaš dutkanehtalaš gažaldagaid ektui
• Sihkkarastit ahte Sámi allaskuvla álggaha dutkosa árvvoštallama dárbbašlaš ráhkkanemiid áiggil
• Galgá čuovvut kvalitehtasihkkarastinvuogádaga mearriduvvon kvalitehtasihkkarastima njuolggadusaid ja áigemeriid. Galgá ovttas doavttergrádastudeanttain ráhkadit jahkásaš raportta mii addojuvvo oahppohálddahussii
• Vuolláičállit doavttergrádašiehtadusa ovttas prográmmastivrrain ja doavttergrádastudeanttain.

Árvvoštallankomitéa ovddasvástida:

• Árvvoštallat dutkosa ja nákkáhallama
• Leat geahččalanlogaldallamis
• Árvvoštallat geahččalanlogaldallama ja ovddidit mearrádusárvalusa dekánii/goahtejođiheaddjái
• Maŋemusat 45 beaivve ovdal plánejuvvon nákkáhallama buktit vuođuštuvvon mearrádusárvalusa mas boahtá ovdan leago bargu doavttergráda bealušteami veara
• Mearridit geahččalanlogaldallama fáttá ja buktit dan goahtái maŋemusat 14 beaivve ovdal geahččalanlogaldallama.

Árvvoštallankomitéa čálli ovddasvástida:

• Organiseret lávdegotti barggu
• Válbmet dutkosa mearrádusárvalusa DOS:ii, dábálaččat golbma mánu maŋŋel sisabuktima
• Ahte nákkáhallama dáhton mearriduvvo.

Oahppohálddahus ovddasvástida:

• Meannudit PhD-studeanttaid váidagiid vuosttaš instánsan
• Studeanttaid registreret allaskuvlla studeantahálddašanvuogádahkii
• Registreret, doalahit áigeguovdilin ja kvalitehtasihkkarastit relevánta dieđuid allaskuvlla studeantahálddašanvuogádagas, nu mo ovdamearkka dihte dieđuid mat gusket permišuvdnii, ruhtadeapmái, sensureremii, heaitimii jna.

Dutkanhálddahus ovddasvástida:

• Árvvoštallanlávdegotti čállindoaimma
• Sihkkarastit ahte dutkkus lea almmuhuvvon unnimusat guokte (2) vahkku ovdal plánejuvvon nákkáhallanbeaivvi
• Leat doarjjan studentii dutkosa prentema ja almmuheami barggus.

Girjerájus ovddasvástida:

• Leat doarjjan dutkosa digitála almmuheami barggus.

Doavttergrádavuorká

Studeantavuorká/kandidáhttavuorká lea elektrovnnalaš (arkiivavuogádat). Eaŋkilstudeanttaide guoskevaš dokumeanttat galget vurkejuvvon vuolábealde namuhuvvon njuolggadusaid mielde. Dieđut mat biddjojit vuorkái galget bures kvalitehtasihkkarastojuvvon.

FS:ii registreren

Juohke čuoggá vuolde dás vuollelis boahtá ovdan gokko PhD-oahpu guhtege elemeanta galgá registrerejuvvot FS:s. Lea hui dehálaš ahte dieđut FS:s leat áigeguovdilat, earenoamážit áššemeannudeami ektui.

Oppalaš njuolggadusat - fápmudusat

Lea ohccojuvvon beassat álggahit ovtta prográmma mii addá PhD-gráda:

• Sámegiella ja sámi girjjálašvuohta.

Sisaváldin

PhD-láhkaásahus § 5.

Rektor ráhkada ohcanskovi ja dutkan- ja oahppostivra, dahje vástideaddji, sáhttá addit earenoamáš duođaštangáibádusaid.

Sisaváldima eavttut leat mearriduvvon PhD-láhkaásahusas § 5.

Sisaváldima mearrideapmi: Prográmmastivra meannuda ohcamiid ja čađaha sisaváldima gođiid ovddas. Ohcamat meannuduvvojit dábálaččat dađistaga. Jus ohcciidlohku lea eambbo go sisaváldinkapasitehta, de oažžu DOS dahje vástideaddji fápmudusa mearridit kvalifiserejuvvon ohcciid vuoruheami eavttuid.

Sisaváldinmearrádusas galget čuovvovaš dieđut leat oassin:

• Namma
• Sisaváldima vuođđu (oahppu ja oahppobáiki)
• PhD-prográmma ja vejolaččat oahpposuorgi
• Čilgehus mo čoavdit eará dárbbuid mat bohtet ovdan ohcamis
• Álgindáhton ja šiehtadusa áigeperspektiiva
• Dutkosa bargonamahus
• Bagadalli ja vejolaččat mielbagadalli namma
• Vejolaš elemeanttat mat leat mearriduvvon sisaheivehuvvot oahpahusoassái/main studeanta lea beassan (galgá boahtit ovdan galle oahppočuoggá leat dohkkehuvvon)
• Ruhtadeapmi.

Ohccái galgá meannudeami mearrádus dieđihuvvot čálalaččat. Muitte muitalit váidinvuoigatvuođa birra go ohcan ii dohkkehuvvo ollislaččat (vrd. hálddašanlága § 27 goalmmát lađas).

Vuorkávuogádat

Oahppohálddahus ráhkada áššenummára juohke doavttergrádastudentii. - Bajilčála/namahus: Studeantamáhppa – <Namma goargu> – PhD-oahppu <prográmma namma (ja vejolaččat oahpposuorgi)> - Kryssreferanse: Vejolaš kryssreferanse lea peršunálmáhppa ja vuolit gráda studeantamáhppa, go dákkárat gávdnojit. Oahppohálddahus bidjá buot sisaváldimii guoskevaš dokumeanttaid vuorkái. Áššemeannudeaddji galgá kvalitehtasihkkarastit studeantta sisabeassanvuođu oahppoduođaštusaid/árvosátnečállosiid studeanttain geaid sisabeassanvuođđu lea eará ásahusain, ovdal dát skánnejuvvojit vuorkái.

FS

Oahppohálddahus - Registrere doavttergrádaohcamiid doktorgradsøknad samlebilde - ráhkada doavttergrádastudeanttaid FS:s - bidjá arkiivavuogádaga studeantamáhpa áššenummára journalnummer oassái. Dát gávdno go deaddilat Hele ja stuoridat gova FS:s. - bidjá oahpu mii lea sisabeassanvuođđu Grunnlag oassái. Stipendiáhtat geaidda allaskuvllas lea bargoaddiovddasvástádus galget registrerejuvvot go álget stipendiáhttan, jus dát dáhpáhuvvá ovdal go sii ožžot oahpposaji. Eará studeanttat registrerejuvvojit go ožžot oahpposaji. Jus ruhtadanáigodat lea čielggas, de registrerejuvvo dát vuosttaš ruhtadanbeaivvi rájes jus dát lea ovdal sisaváldima.

 

Šiehtadusat

PhD-láhkaásahus § 6.

Goahti galgá sihkkarastit ahte dutkanoahpu plána loahpalaš šiehtadus ráhkaduvvo maŋemusat golbma (3) mánu maŋŋel go stipendiáhtta álgá virgái.

Vuorkávuogádat

Goahti ovddasvástida vuolláičállojuvvon šiehtadusaid, maid oahppohálddahus bidjá elektrovnnalaš vuorkká studeantamáhpaide, vejolaš gulahallan šiehtadusaid ektui galgá maid biddjot dohko.

FS

Oahppohálddahusa galgá čuovvovaš dieđuid registreret Dieđut studeantta ja allaskuvlla gaskasaš šiehtadusa birra, mii guoská oahpporiektái, registrerejuvvojit váldogovvii student samlebilde dan guoskevaš oahpporievtti oktavuhtii. Gova sáhttá viiddit go deaddila Hele nu ahte olles govva ihttá. Bargoaddi, bargosaji ja ruhtadeami dieđuid govvii Finans. Njealját jagi geatnegahtton bargguid dieđuid govvii Tidskonto Bargošiehtadusaid birra dieđut, jus studentii/studeanta guoská/lea oassin makkárge ovttasbargošiehtadus/bargošiehtadusas, govvii Samarbeidsavtale.

 

Oahpporiekti, permišuvdna ja heaitin

PhD-láhkaásahus § 5, 6 og 8.

Njuolggadus galgá sihkkarastit ahte studeanta oažžu doarvái buori áiggi buktit barggu, ráddjejuvvon áigerámmaid siskkobealde. “Fágalaš maŋŋoneapmi” lea omd. go muhtun ii oaččo dohkkehuvvot doavttergrádadutkosa. “Fágalaš maŋŋoneapmi” sáhttá maid leat jus ii ceavzze oahpahusoasis muhtun oahppoovttadaga, dát eaktuduvvo oahppoovttadaga viidodagas. Goahti berre studentii dieđihit oahpporievtti viidodaga oahpu álggus.  

Permišuvnna njuolggadusat leat eanemus áigeguovdilat studeanttaide geat eai leat stipendiáhtat Sámi allaskuvllas. Stipendiáhtat geaidda Sámi allaskuvllas lea bargoaddiovddasvástádus ožžot permišuvnna oahpus go sis lea permišuvdna virggis.

Vuorkávuogádat	Gulahallan oahpporievtti, permišuvnna ja heaitima birra biddjo studeantamáhppii.
FS	Oahppohálddahus galgá - Tidskonto govvii bidját dieđuid guhkideami birra. - Váldogovvii bidjat dieđuid go oahpporiekti lea nohkan. - registreret buot permišuvnnaid Permisjon govvii FS:s. Dát bohtet dasto automáhtalaččat mielde govvii Tidskonto. - registreret heaitima váldogovvii. - registreret dieđuid váldogovvii go studeanta lonuha oahppoprográmma.

                 

Oahpahusoassi

Doavttergrádaoahpu viidodat lea 180 oahppočuoggá. Dutkosa viidodat lea 180 oahppočuoggá, minus oahpahusoasi viidodaga. Goahti mearrida oahpahusoasi viidodaga. Studeanta oahpahusoasi dohkkeheami oktavuođas galgá goahti addit oahpahusoasi elemeanttaid detálja listtu. Go muhtun oahppoovttadat lea čađahuvvon eará ásahusas, galgá guoskevaš ásahusa namma boahtit ovdan. Elemeanttaide mat eai leat doavttergrádadásis galgá dohkkeheami mearrádusa arkiivanummár boahtit ovdan.

Galgá čielgasit boahtit ovdan makkár elemeantta(t) eai galgga ollásit dohkkehuvvot grádii, jus oahppočuoggáid supmi šaddá eambbo go guoskevaš oahppoprográmma geatnegahtton viidodat.

Oahpahusoassi galgá leat čađahuvvon ja dohkkehuvvon maŋemusat go dutkkus bukto sisa, muhto berre leat čađahuvvon oahpu 2-3 vuosttaš lohkanbajis. Kurssat mat dohkkehuvvojit oahpahusoasis, PhD-ovttadagat, galget registrerejuvvot dohkkehuvvon kodain, vrd. sierra oassi vuollelis.

Ii leat vejolaš fállat 300-ovttadagaid (masterovttadagaid) oassin doavttergráda oppalaš fálaldagaide. Earenoamáš oktavuođain sáhttet leat fágalaš ákkat dohkkehit dákkár ovttadagaid oktagaslaš progrešuvdnašiehtadusas. Oahppohálddahus galgá dieđihit studeanta oahpahussii go 300-ovttadat galgá leat oassin studeantta oahpahusoasis. Áigemearri dieđihit doavttergrádastudeanttaid 300-ovttadagaide lea seamma go eará studeanttaide: 15.2 giđđalohkanbajis ja 15.9 čakčalohkanbajis.

Doavttergrádastudeanta guhte áigu váldit 300-ovttadaga dahje eará ovttadaga olggobealde PhD-oahpu, galgá ohcat sisabeassama dábálaš vuogi mielde ovdal ohcanáigemeari.  

Vuorkávuogádat	Gulahallan oahpahusoasi dohkkeheami oktavuođas biddjo studeantamáhppii.
FS	Oahpahusoasi elemeanttat galget registrerejuvvot dađistaga: - goahti galgá sáddet iežas ovttadagaid sensora (maiddái earenoamáš lohkanmeari) oahppohálddahussii, gii bidjá dieđuid govvii Eks.prot, siskkáldas rutiinnaid mielde. - oahppohálddahus registrere dohkkehuvvon ovttadagaid mat leat duođaštuvvon árvosátnečállosiin, sisaheivehanáššiid siskkáldas prosedyraid mielde.

 

Oahpahusoassi – doavttergrádaoahppoovttadat  

Dos galgá dohkkehan doavttergrádaoahppoovttadagaid guhtta vahkku ovdal oahpu álgima. Ođđa oahppoovttadagat dieđihuvvojit oahppohálddahussii, gii registrere oahppoovttadagaid kodaid FS:ii dakka maŋŋel DOS:a dohkkeheami.

Dát studeanttat sáhttet čađahit oahppoovttadagaid doavttergráda dásis:

• kategoriija 1: Sámi allaskuvlla doavttergrádastudeanttat.
• kategoriija 2: Sámi allaskuvlla stipendiáhtat geat eai leat vuos váldon sisa PhD-prográmmii.
• kategoriija 3: Eará ásahusaid doavttergrádastudeanttat.
• kategoriija 4: Earát geain lea unnimusat mastergráda (dahje vástideaddji). Sii fertejit máksit lohkanbadjedivvaga dan lohkanbaji go áigot váldit eksámena.

Dáid rámmaid siskkobealde sáhttá goahti bidjat sierra gáibádusaid fágaduogážii Innenfor denne rammen kan avdelingen stille egne krav om fagbakgrunn jna.

Sisabeassanvuođđu galgá dárkkistuvvot:

• 1. ja 2. kategoriija studeanttat leat ovdalaččas registrerejuvvon FS:ii ja eai dárbbat duođaštit gelbbolašvuođaset.
• 3. kategoriija ohccit galget buktit ovdan duođaštusa ruovttuásahusas mii duođašta ahte leat váldon sisa PhD-prográmmii.
• 4. kategoriija ohccit galget duođaštit (unnimusat) cevzojuvvon mastergrádaoahpu dahje vástideaddji oahpu.

Duođaštusat galget leat originálat dahje duođaštuvvon kopiijat.  

Oahppohálddahus galgá sihkkarastit ahte 4. kategoriija studeanttat mákset lohkanbadjedivvaga ja/dahje duođaštit ahte dát lea mákson.  

Oahppohálddahus sádde goahtái listtu mas oasseváldiid namat bohtet ovdan go sisaváldin lea dahkkon dahje maŋemusat go oahppu álgá.

Studeanttat dieđihit iežaset eksámenii studentweba bokte. 3. ja 4. kategoriija studeanttat biddjojit FS:ii kategoriijain PH-TEMP mii addá oahpporievtti ovttadaga bistima áigodahkii.

Oahppohálddahus sádde sensurerenskovi FS:s. Goahti sádde devdojuvvon skovi oahppohálddahussii nu jođánit go vejolaš maŋŋel sensurerema.  

Dutkanehtalaš njuolggadusat

Dutkosiin bargan galgá čuovvut našunála dutkanehtalaš njuolggadusaid, dutkanehtalaš lávdegottiid ja veiledninger for samfunnsvitenskap, humaniora, juss og teologi: http://www.etikkom.no/Forskningsetikk/Etiske-retningslinjer/Samfunnsvitenskap-jus-og-humaniora/, WINHEC álgoálbmotdutkama ehtalaš njuolggadusaid ja eará relevánta dutkanehtalaš njuolggadusaid. Dát čilgejuvvo lagabui «Samisk høgskoles PhD retningslinjer § 4 c».

Dutkosat main persovdnadieđut gieđahallojuvvojit galget dieđihuvvot personvernet for forskning ved Personvernombudet for forskning ved Norsk Samfunnsvitenskapelig Datatjeneste (NSD). Dieđut mat čohkkejuvvojit gieđahallojuvvojit ja vurkkoduvvojit Personombudet ja Datatilsynet mearrádusaid mielde. Dát lea čilgejuvvon lagabui «Samisk høgskoles PhD retningslinjer § 4 d».

Leat maid ráhkaduvvon sierra ehtalaš rávvagat PhD oahpuid bagadallamii.

Olgoriikkaorrun

Vuorkávuogádat	Vejolaš gulahallan olgoriikkaorruma oktavuođas biddjo studeantamáhppii.
FS	Oahppohálddahus registrere dieđuid eará ásahusain oahppoorruma birra. Jus studeanta čađaha ovttadagaid mat leat dohkkehuvvon oahpahusoasis, galgá oahppohálddahus dán registreret govvii Person eksternstudium. Dát čuovvu sisaheivehanáššiid siskkáldas prosedyra.

 

Dutkkus  

Vuorkávuogádat	Gulahallan dutkosa oktavuođas biddjo studeantamáhppii.
FS	Oahppohálddahus galgá registreret dutkosa namahusa.

 

Sisabuktin ja nákkáhallan

Goahti galgá sihkkarastit ahte studeanttat buktet čoahkkáigeasu dutkosis (preassadieđáhusa) sámegillii ja/dahje eŋgelasgillii go dutkkus bukto sisa. Preassadieđáhusa dohkkehuvvon málle galgá geavahuvvot. Goahti galgá čoahkkáigeasu sáddet Sámi allaskuvlla diehtojuohkinkonsulentii ja oahppohálddahussii, mii bidjá dán studeantamáhppii arkiivavuogádahkii. 

Doavttergrádadutkosa mii ii leat gávdnon bealuštanvearan, sáhttá ođđasit árvvoštallat rievdaduvvon hámis easka guhtta (6) mánu maŋŋel go ásahus lea mearrádusa dahkan. Ođđa árvvoštallan sáhttá dahkkot dušše okte. Doavttergrádakandidáhtta galgá ođđa sisabuktima oktavuođas dieđihit ahte bargu lea ovdal árvvoštallojuvvon ja ahte dát ii leat gávdnon bealuštanvearan. Váldonjuolggadus lea ahte seamma lávdegoddi geavahuvvo. Jus lea dárbu ođđa lávdegotti nammadit, de galgá ođđa lávdegoddi oažžut olles ášši, maiddái vuosttaš mearrádusa kommentáraid.. 

Vuorkávuogádat	Dát dokumeanttat galget biddjon studeantamáhppii: - Gulahallan sisabuktima, árvvoštallanlávdegotti ja nákkáhallama oktavuođas. - Dutkosa čoahkkáigeassu (preassadieđáhus).
FS	Oahppohálddahus galgá, goađi addon dieđuid vuođul, registreret dieđuid govvii Dr.kand. innlevering samlebilde (gávdno gardiinnas Hele boalus) čuovvovaččaid birra - Sisabuktin. - Kommišuvdnamiellahtut. - Dutkosa árvvoštallan. - Geahččalanlogaldallan. - Nákkáhallan. - Vejolaš ođđa sisabuktin ja konten. Bija ođđa ráiddu juohke ođđa sisabuktimii.

 

Vuođuštus doavttergráda olaheami virggálaš dohkkeheapmái sáddejuvvo allaskuvladirektevrii, kopiijain oahppohálddahussii, go DOS lea dohkkehan dutkosa, logaldallama/logaldallamiid ja nákkáhallama. Reivves galget dáid dokumeanttaid dokumeantanummárat boahtit ovdan:

• Duođaštus oahpahusoasis, unnimusat 30 oahppočuoggá, mas duođaštuvvo vejolaš sisaheivehuvvon olggobealde oahppu. Juohke aktivitehtas galget oahppočuoggát boahtit ovdan, vai oahppoduođaštusa sisdoallu šaddá nu riekta ja informatiiva go vejolaš.  

• Doavttergrádaprotokolla mas lávdegoddi lea dohkkehan dutkosa, logaldallama/logaldallamiid ja nákkáhallama. Dutkosa ja geahččalanlogaldallama/geahččalanlogaldallamiid namahus galgá mielde.  

Sámi allaskuvlla stivra dohkkeha kandidáhtaid akademalaš doavttergráda olaheami ja dieđadoavttirin nammadeami.

Goahti ovddasvástida vuostáiváldimiid lágideami.  Sii geat leat nákkáhallan dieđadoavttirin, ožžot diploma. Diplomas čuožžu dieđadoavttirin nammadeami beaivemearri ja diehtu, guđe prográmmas doavttergráda lea váldon. 

FS

Oahppohálddahus registrere olahuvvon gráda ja oahpporievtti ruovttoluottageassima ja čáliha oahppoduođaštusa/Diploma Supplementa. Oahppoduođaštussii čállojuvvo dutkosa ja geahččalanlogaldallama/geahččalanlogaldallamiid namahus ja buot ovttadagat/earenoamášgirjjálašvuohta mii lea dohkkehuvvon oahpahusoassin.

Vuorkávuogádat

Oahppohálddahus bidjá vuorkái buot dokumeanttaid mat gusket dieđadoavttirin nammadeapmái ja vurke maiddái kopiija vuolláičállojuvvon oahppoduođaštusas/Diploma Supplementas.

 

Váiddameannudeapmi

Hálddašanorgána mii lea dahkan mearrádusa galgá sihkkarastit ahte áššebealálaččat ožžot mearrádusa dieđihuvvot nu jođánit go vejolaš. Dán dieđáhusas galgá dieđihuvvot earret eará váidinvuoigatvuođa, váidináigemeari, váidininstánssa, váidima ovdáneami ja áššedokumeanttaid oaidnima rievtti birra.

Váldonjuolggadus lea ahte váiddaáššit meannuduvvojit hálddašanlága kapihtal VI Om klage og omgjøring § 28 njuolggadusaid vuođul. Muhtun váiddaáššiide gávdnojit earenoamáš njuolggadusat Universitehta ja allaskuvlalágas §§ 5-2 og 5-3.

Vuorkávuogádat	Gulahallan váiddaáššiid oktavuođas biddjo studeantamáhppii.
FS	Fuomáš ahte muhtun váiddaáššiin soitet dieđut mat galget registrerejuvvot FS:ii. Dán dahká oahppohálddahus.

 

---

Kvalitehtasihkkarastin:

1. Ulbmil ja huksehus
2. Aktevrrat ja ovddasvástádusjuohku
3. Kvalitehtadimenšuvnnaid mihtut
4. Evalueremat
5. Oahppokvalitehta analysa
6. Bargo- ja ovddasvástádusjuohku kvalitehtasihkkarastimis ja oahpuid hálddašeamis
   • Kapihttal 1. Oahppoáššiid meannudeapmi Sámi allaskuvllas
   • Kapihttal 2. Prográmmaid ja oahppoovttadagaid kvalitehtasihkkarastin
   • Kapihttal 3. Rekrutteren
   • Kapihttal 4. Oahpuid sisaváldin
   • Kapihttal 5. Studeanttaid registreren ja studeantaregistrerema ođasmahttin
   • Kapihttal 6. Studeanttaid progrešuvnnat
   • Kapihttal 7. Oahpuid sisaheiveheapmi
   • Kapihttal 8. Lonohallanšiehtadusat ja studeantalonohallan
   • Kapihttal 9. Eksámen ja árvvoštallan
   • Kapihttal 10. Oahppoduođaštusaid hálddašeapmi
   • Kapihttal 11. Hárjehallan
   • Kapihttal 12. Váiddaáššit
   • Kapihttal 13. Studeanttaid dohkálašvuođaárvvoštallan
   • Kapihttal 14. Disiplineara reakšuvnnat studeanttaide
   • Kapihttal 15. Studeantadieđuid meannudeapmi
   • Kapihttal 16. PhD-gráda hálddašeapmi Sámi allaskuvllas