Kapihttal 3. Rekrutteren

Ulbmil

Dokumeanta galgá sihkkarastit ahte allaskuvlla rekrutŧerendoaimmain ja mihtuin lea alla kvalitehta ja ahte rekrutterenbargu biddjo johtui áiggil. Dát dokumeanta galgá maid sihkkarastit ahte rekrutterenávdnasat leat gárvát áiggil ja ahte dáin lea alla kvalitehta.

Doaibmaguovlu

Dát dokumeanta gusto buot rekrutterenosiide ja -doaimmaide mat Sámi allaskuvllas leat ja čilge oktasaš osiid mat gullet dán bargui. Prosedyrat ja rutiinnat mat gusket dán bargui leat gávdnamis oahppohálddahusa siidduin Sámi allaskuvlla ruovttusiiddus.

Lágat ja njuolggadusat

Lágat ja njuolggadusat mat gusket Sámi allaskuvlla oahpuid rekrutteremii

Ovddasvástádusjoavku

Allaskuvlastivra ovddasvástida:

  • Rekrutterenstrategiijaid mearridit

Rektor ja direktevra:

  • Rekrutterendoaimma bajimus ovddasvástideaddjit.

Dutkan- ja oahppostivra ovddasvástida:

  • Dohkkeha jahkásaš rekrutterenplána

Oahppohoavda ovddasvástida:

  • Oahppoofelačča koordinerema ja gárvema
  • Jahkásaš rekrutterenplána hábmema
  • Rekrutterema doaibmaplána
  • Almmuhit studeantarekrutterenengašemeanttaid
  • Koordineret rabasbeaivvi
  • Rekrutterendoaimmaid koordinerema
  • Rekrutterengálvvuid sisaoastima
  • Oahpuid almmuhusaid sisaoastima
  • Studeantarekrutterejeddjiid šiehtadusa hábmema.

Fágagoađit ovddasvástidit:

  • Rekrutteret oahpuide
  • Plánet ja koordineret rekrutterenmátkkiid maid ieža initierejit
  • Plánet rabasbeaivvi ovttas oahppohálddahusain ja vejolaččat studeanttaiguin
  • Searvat rabasbeaivvi lágideapmái
  • Hábmet teavsttaid oahppoofelažžii, almmuhusaide ja eará rekrutterenmateriálii
  • Nammadit láhtuid rekrutterema bargojoavkkuide. 

Ekonomiijaossodat ovddasvástida:

  • Studeantarekrutterejeddjiid bálkká máksima
  • Rekrutteremii guoskevaš goluid máksima.

Sámi allaskuvllas galgá jagis 2014 ásahuvvot sierra joavku mii bargá rekrutteremiin. Joavkku ovddasvástádus lea earret eará rekrutterenplána hábmet, rekrutterendoaimmat ja rekrutterenstrategiija. Joavkkus galget guokte áirasa fágabirrasis, okta áirasa hálddahusas ja okta studeanta. Rekrutterenkonsuleanta lea hálddahusa áirras ja doaibma maid joavkku čálliin ja koordináhtoriin.

Sámi allaskuvlla rekrutteren oppalaččat

Rekrutteremii biddjo jahkásaččat rekrutterenplána. Plána galgá jahkásaččat dohkkehuvvot Dutkan ja oahppostivrras (DOS), mii ovddida dán loahpalaš dohkkeheapmái Sámi allaskuvlla stivrii. Plána sisttisdoallá rekrutterenulbmiliid, potensiála, vugiid ja doaimmaid, bušeahta ja árvvoštallama. Lassin dan plánii ráhkaduvvo doaibmaplána mas leat rekrutterendoaimmat biddjon detáljadássái.

Rekrutterenmátkkit

Sámi allaskuvla galgá leat oidnosis arenain gos potensiála studeanttat leat, miehtá Sámi. Earenoamážit vuoruhuvvo joatkkaskuvllaid galledeapmi ja maiddái oahppomeassuide searvan. Rekrutterenkonsuleanta koordinere mátkkiid maidda oahppohálddahus ja/dahje studeanttat servet. Fágabargit koordinerejit ja ovddasvástidit mátkkiid maid ieža initierejit ja lágidit. Mihttun lea ahte rekrutterenmátkkit álggahuvvojit juovlamánus, earenoamážit Suoma bealde logahagaide.

Rabas beaivi

Rabas beaivvi lágideapmái ásahuvvo sierra bargojoavku. Bargojoavkkus galget fágabargit ja hálddahusa ovddasteaddji, dábálaččat rekrutterenkonsuleanta, ja vejolaččat studeanta/studeanttat. Rabas beaivvi ulbmil lea čájehit Sámi allaskuvlla ja čalmmustahttit oahpuid, earenoamážit oahpuid main lea álgin čuovvovaš oahppojagi/lohkanbaji. Mihttojoavku rabas beaivái leat joatkkaskuvllat, muhto earát leat maid bures boahtimat.

Oahppoofelaš

Oahppohoavda ovddasvástida oahppoofelačča gárvema. Barggu koordinere dábálaččat rekrutterenkonsuleanta. Mihttu lea ahte dát lea gárvvis juovlamánus. Stivra mearrida makkár prográmmaoahput álget ja dutkan- ja oahppostivra mearrida makkár ovttadagat álget čuovvovaš oahppojagi. Dán vuođul sádde rekrutterenkonsuleanta diŋgojumiid oahppoofelačča teavsttaide. Almmuhuskonsuleanta hábme oahppoofelačča gárvves materiálain.

Rekrutterengihppagat ja almmuhusat

Unnit oahppoovttadagaide ráhkaduvvojit gihppagat. Vuođđun gihppagiid lea teaksta maid fágasuorgi buktá. Dábálaččat sádde rekrutterenkonsuleanta diŋgojumiid fágasuorgái, go lea mearriduvvon makkár ovttadagat álget. Almmuhuskonsuleanta hábme gihppagiid.

Njuolggorekrutteren

Oahppohálddahus sádde gihppagiid ja vejolaš eará rekrutterenmateriála vejolaš studeanttaide. Fágasuorgi váldá maiddái oktavuođa vejolaš studeanttaiguin. Ovdal váldosisaváldima váldet oahpuid koordináhtorat oktavuođa prográmmaoahpuid 1. ja 2. prioritehta ohcciiguin.

 

Kvalitehtasihkkarastin:

  1. Ulbmil ja huksehus
  2. Aktevrrat ja ovddasvástádusjuohku
  3. Kvalitehtadimenšuvnnaid mihtut
  4. Evalueremat
  5. Oahppokvalitehta analysa
  6. Bargo- ja ovddasvástádusjuohku kvalitehtasihkkarastimis ja oahpuid hálddašeamis
Oahppodoaimmaid kvalitehtagiehtagirji
Filesize: 1226 KB