Leat go jurddašan iežat boahtteáiggi birra? Oahppu lea okta vejolašvuohta.
Ođasvuorká
Ohcanáigemearri lonohallamii lahkonišgoahtá
Ohcanáigemearri ohcat doarjaga lonohallamii lahkonišgoahtá sihke studeanttaide ja fágabargiide.
Diibmoplánat neahtas
Hei!
Sámi allaskuvlla oahpuid diibmoplánat biddjojit dal Time Editii. TimeEdit lea neahttasiidu gos gávdnojit diibmoplánat. TimeEditii ii dárbbaš logget sisa, nu ahte dat lea buohkaide rabas.
Dieđut lohkanbaji álgima oktavuođas ođđajagimánu 2021
Buot Sámi allaskuvlla logaldallamat čađahuvvojit digitálalaččat ođđajagimánu 19. beaivvi rádjái.
PED 606 ohcanáigemearri guhkiduvvo
Diehtun ahte ohcanáigemearri PED 606 Sámi pedagogihkka mánáidgárddis ohppui guhkiduvvo 10.01.21. radjái. Ohcanáigemearri ii šat guhkidovvo maŋŋel.
Ohcanáigemearri guhkiduvvon
Diehtun ahte ohcanáigemearri oahpuide mat álget dán giđa leat guhkiduvvon 18.12.2020 radjái. Dat guoská buot oahpuide mat ledje almmuhuvvon ohcanládje ovdal ordineara ohcanáigemeari.
Sámi logut muitalit
Sámi statistihka fágalaš analysajoavku lea mannan vahku almmuhan raportta Sámi logut muitalit 13. Raporttas leat artihkkalat main ovdanbuktojuvvojit iešguđet fágasurggiid dilit ja maiddái rávvagat.
Annika Pasanen virgáduvvon Sámi allaskuvlla ođđa professoran
Sámi allaskuvlla stivra lea virgádan Annika Pasanena sámi sosiolingvistihkka professora virgái. Annika Pasanen lea nákkáhallan doavttirin jagi 2015:s anárašgiela ealáskahttima fáttás.
Sámi allaskuvla almmuha ođđa podcasta
Dál beasat oahpásmuvvat dutkamii ja dutkanfáttáide guoimmuheami bokte go Sámi allaskuvla almmuha ođđa podcasta “Sáhkavuorru”. Podcasta prográmmajođiheaddjit leaba girjjálašvuođa professor Harald Gaski ja filbmadahkki Per Josef Idivuoma.
