Sámi oahpahuskonferánsa lea guktii maŋiduvvon korona pandemiija geažil ja disdaga de viimmat álggahuvvui golbma beaivásaš konferánsa. Konferánsa lea ovttasbargu gaskal Sámi allaskuvlla ja Sámedikki, mas prošeakta Sámi mánát ođđa searvelanjas (SáMOS-prošeavtta) lea vuolggasadji.
Ođasvuorká
Dál lea vejolaš dieđihit neahttaoasseváldin Sámi oahpahuskonferánsii
Guovdageainnus, ja neahta bokte. Dál ii leat šat vejolašvuohta dieđihit fysalaš oassálastimii go leat dievvan sajit, muhto lea ain vejolaš dieđihit neahttaoassálastimii.
SSO ohca studeanttabargi
Sis-Finnmárkku studeanttaid ovttastus (SSO) ohca studeanttabargi
Ođđa vejolašvuohta ohcat Sámi allaskuvlii
Sámi allaskuvllas lea dál loahppasisaváldin guoros oahpposajiide 2021 čavčča oahpuide. Dál lea vejolašvuohta sidjiide ohcat geat ledje árvvoštallan ohcat, muhto eai ollen. Oahpuide sáhtát ohcat otná beaivvi rájes 01.09 ja loahpalaš ohcanáigemearri lea 05.09.
Dieđit ovdanbuktin evttohusa Sámi oahpahuskonferánsii
Sámi allaskuvla ja Norgga Sámediggi lágidit gaskariikkalaš Sámi oahpahuskonferánssa 05-07.10.21 Diehtosiiddas, Guovdageainnus. Mii bovdet oahpaheddjiid ja mánáidgárddebargiid sáddet evttohusaid maid sáhttet ovdanbuktit konferánssas. Áigemearri sáddet ovdanbuktin evttohusa lea čakčámánu 5. beaivve.
Maŋemus beaivi Sámi allaskuvlla direktevran
Johan Ailo Kalstadas lea odne maŋemus beaivi Sámi allaskuvlla direktevrra virggis. Maŋŋel lagabui vihtta jagi giitá son dál iežas ovddas. -Ferten dadjat ahte lea leamaš hui fiinna áigi iežan eallimis ja olu buori muittut báhcet millii, vaikko áigodagaid gal lea leamaš hirbmat olu bargu ja máŋga hástalusa. Dáppe leat nu olu čeahpes, áŋgiris ja somás olbmot ahte lea álki bures loaktit áiggi, muitala Kalstad.
Dál lea vejolaš dieđihit Sámegiela ja girjjálašvuođa symposiai
Čakčamánu 22. b. ja 23. b. lágiduvvo Sámegiela ja sámi girjjálašvuođa symposia Sámi allaskuvllas Guovdageainnus. Bovdejuvvon logaldallit symposiai leat Jane Juuso, Vuokko Hirvonen ja Ole Henrik Magga.
Almmolaš rahpandoalut Sámi allaskuvllas
Sámi allaskuvllas ledje ikte almmolaš rahpandoalut ja nu lei maid sámi buohccidivššároahpus. Vaikko Sámi buohccidivššároahppu álggii ođđajagimánus 2021:s, de ii leat beasan markeret oahpu álgima ovdal ikte korona geažil.
Ođđa direktevra sajis juovlamánu rájes
56- jahkásaš Anne-Marie Gaino, Guovdageainnus eret, lea virgáduvvon Sámi allaskuvlla ođđa direktevran. Allaskuvlla stivra lea su virgádan bistevaš allaskuvlladirektevravirgái, ja son álgá bargui juovlamánu 1.b. 2021.
