Kapihttal 11. Hárjehallan

Ulbmil

Prosedyra galgá sihkkarastit buori fágalaš sajáiduhttima ja kvalitehtasihkkarastima hárjehallamis.

Doaibmaguovlu
Prosedyra guoská dáidda oahpuide:
- Vuođđoskuvlaoahpaheaddjioahppu 1-7
- Vuođđoskuvlaoahpaheaddjioahppu 5-10
- Mánáidgárddeoahpaheaddjioahppu
- Praktihkalaš pedagogalaš oahppu

Sámi allaskuvlla oahpaheaddjioahpuid earenoamášvuohtan lea earret eará ahte studeanttat galget dovdat buot Davviriikkaid oahppovuogádagaid. Dát prinsihppa dáhkiduvvo dainna lágiin, ahte oahppoáiggis studeanttat hárjehallet Davviriikkaid sámi guovlluid vuođđoskuvllain/mánáidgárddiin ja sámegielat oahpahusas Norggas, Suomas ja/dahje Ruoŧas, ja vejolaččat Ruoššas. Sámi allaskuvllas sáhttet leat fásta šiehtadusat dáin skuvllaiguin/mánáidgárddiin.

Sámi allaskuvlla oahpaheaddjioahpuin bargohárjehallan lea 21 vahku. Rámmaplánaid (2003 ja 2010) mielde bargohárjehallan galgá leat unnimustá 20 vahkku ja hárjehallanbagadalli láidesta studeanttaid bargobáikkis. Lea maid vejolaš ohcat vuolgit lonohallanstudeantan ja čađahit osiid hárjehallamis omd. eará eamiálbmotguovlluin. Dán sáhttá dahkat SA ovttasbargošiehtadusaid bokte (gč. prográmmaplána 1-7 kap. 10) Dákkár ohcan ferte ovddiduvvot buori áiggis, ja heive ovdamearkan vuohkkasit čađahuvvot 3. dahje 4. jagi.

Ovddasvástádus

Sámi allaskuvlla oahpaheaddjioahpu teamas lea ovttasbargu dihto skuvllaiguin ja mánáidgárddiiguin. Studeanttat eai dárbbaš dábálaččat ieža gávdnat hárjehallanbáikki.  Jus vejolaš, de sáhttá Sámi allaskuvla veahkkin gávdnat orrunbáikki studeanttaide.  Studeanta sáhttá, dihto rámmaid siskkobealde, ieš evttohit hárjehallanbáikki. Dalle allaskuvla árvvoštallá evttohuvvon báikki dohkálašvuođa, ja jos lea dohkálaš de studeanta sáhttá čađahit hárjehallama doppe. Jus studeanttat iešguđet sivaid geažil eai sáhte čađahit hárjehallama nugo plánejuvvon, de ferte dieđihit čálalaččat ovdal dihto áigemeari juohke oahppojagis.

Hárjehallanvásáhusaid, oahppama ja reflekšuvnna ovdanbuktin

Guovddáš oassi hárjehallamis lea ovdanbuktit hárjehallanvásáhusaid, ja lea geatnegahtton. Ulbmilin lea ahte studeanttat besset ovdanbuktit iežaset vásihusaid hárjehallamis ja eará studeanttat besset veardádallat ja buohtastahttit vásihusaideaset nuppiid studeanttaid vásihusaide. Hárjehallanseminára lágiduvvo sullii vahkku maŋŋel hárjehallama, ja leat dábálaččat studeanttat ieža geat lágidit seminára. Seminárii oassálastet buot oahpaheaddjioahpuid hárjehallanjoavkkut. Juohke studeanta galgá aktiivvalaččat oassálastit semináras. Seminára sáhttá leat juogo almmolaš, masa oassálastet buot hárjehallanoahpaheaddjit, fágaoahpaheaddjit, hárjehallama hálddahusbargit ja studeanttat, dahje siskkáldas, mas eai leat hárjehallanbagadallit mielde.

Bargohárjehallama árvvoštallan

Hárjehallanbagadalli árvvoštallá studeantta ja čállá dan girjái (árvvoštallangirji) mii lea sáddejuvvon sutnje ovdal hárjehallama dahje lea addojuvvon hárjehallančoahkkimis. Hárjehallama árvvoštallamis geavahuvvojit árvosánit “Dohkkehuvvon/ Ii dohkkehuvvon”. Studentii addojuvvo diehtu goas, gos ja geas son sáhttá viežžat árvvoštallama.

Earenoamáš sivaid geažil sáhttá allaskuvla dohkkehit gitta 15% jávkama hárjehallamis hárjehallanbáikkis. Earenoamáš sivaid galgá duođaštit omd. doavtterduođaštusain.
Bargohárjehallama maŋideapmi (permišuvdna) addo dušše earenoamáš sivaid geažil.

Geatnegahtton jávohisvuođaduođaštus
1. jagi studeanttat devdet jávohisvuođageatnegasvuođa duođaštusa go álget ohppui. Universitehtaid ja allakuvlalága vuođul leat studeanttat geatnegahtton deavdit dán duođaštusa. Dát galgá dahkkot ovdalgo studeanta manná hárjehallamii

Mátke-/orrungolut

Sámi allaskuvllas lea prinsihppa ahte geatnegahtton hárjehallan ii galgga leat stuorit lassigollun studeanttaide, muhto ferte lihkká rehkenastit ahte šaddet lassigolut hárjehallamis johtima ja orruma oktavuođas.

Sámi allaskuvla ráhkada mátkestipeandda iešguđet hárjehallanbáikki ektui. Vuođđun stipeandda rehkenastimii lea galle kilomehtera lea allaskuvllas hárjehallanbáikái ja galle studeantta leat joavkkus.

Dá čuovvu formel man vuođul rehkenasto mátkestipeanda:

(x km * 2 kr/km) + (x km * y liigemátkkosteaddji * 0,50kr/km/liigemátkkosteaddji) = n kr. studentii
z studeanttajoavkkus

Sámi allaskuvla máksá gitta 150,- kruvnno rádjái jándorii juohke studentii idjadangoluid ovddas hárjehallama oktavuođas

Hárjehallanbagadalli árvvoštallá studeantta ja čállá dan girjái (árvvoštallangirji) mii lea sáddejuvvon sutnje ovdal hárjehallama dahje lea addojuvvon hárjehallančoahkkimis. Hárjehallama árvvoštallamis geavahuvvojit árvosánit “Dohkkehuvvon/ Ii dohkkehuvvon”. Studentii addojuvvo diehtu goas, gos ja geas son sáhttá viežžat árvvoštallama.

Earenoamáš sivaid geažil sáhttá allaskuvla dohkkehit gitta 15% jávkama hárjehallamis hárjehallanbáikkis. Earenoamáš sivaid galgá duođaštit omd. doavtterduođaštusain.
Bargohárjehallama maŋideapmi (permišuvdna) addo dušše earenoamáš sivaid geažil.

Geatnegahtton jávohisvuođaduođaštus
1. jagi studeanttat devdet jávohisvuođageatnegasvuođa duođaštusa go álget ohppui. Universitehtaid ja allakuvlalága vuođul leat studeanttat geatnegahtton deavdit dán duođaštusa. Dát galgá dahkkot ovdalgo studeanta manná hárjehallamii

Mátke-/orrungolut

Sámi allaskuvllas lea prinsihppa ahte geatnegahtton hárjehallan ii galgga leat stuorit lassigollun studeanttaide, muhto ferte lihkká rehkenastit ahte šaddet lassigolut hárjehallamis johtima ja orruma oktavuođas.

Sámi allaskuvla ráhkada mátkestipeandda iešguđet hárjehallanbáikki ektui. Vuođđun stipeandda rehkenastimii lea galle kilomehtera lea allaskuvllas hárjehallanbáikái ja galle studeantta leat joavkkus.

Dá čuovvu formel man vuođul rehkenasto mátkestipeanda:

(x km * 2 kr/km) + (x km * y liigemátkkosteaddji * 0,50kr/km/liigemátkkosteaddji) = n kr. studentii
z studeanttajoavkkus

Sámi allaskuvla máksá gitta 150,- kruvnno rádjái jándorii juohke studentii idjadangoluid ovddas hárjehallama oktavuođas

 


Kvalitehtasihkkarastin:

  1. Ulbmil ja huksehus
  2. Aktevrrat ja ovddasvástádusjuohku
  3. Kvalitehtadimenšuvnnaid mihtut
  4. Evalueremat
  5. Oahppokvalitehta analysa
  6. Bargo- ja ovddasvástádusjuohku kvalitehtasihkkarastimis ja oahpuid hálddašeamis
Oahppodoaimmaid kvalitehtagiehtagirji
Filesize: 1226 KB