Dál lea ain vejolaš ohcat Sámi allaskuvlla giđa oahpuide. Oahpuide sáhtat ohcat Søknadsweb bokte, deaddil dákko de beasat njuolga dohko.
Mis álget earret eará dát oahput:
(Deaddil oahpu nammii, de beasat lohkat eanet oahpu birra)
Sámi allaskuvllas ledje cuoŋománu 10. beaivvi allaárvosaš doalut go min vuosttaš rektor Jan Henry Keskitalo nammaduvvui Bassi Olav ortnega riddárin vuosttáš klássas.
Gudnejáhttojuvvon gonagaslaš majestehta gonagasa ovddasteaddji Finnmárkku ja Romssa stáhtahálddašeaddji, Sámedikki presideanta, Guovdageainnu sátnejođiheaddji, Sámi allaskuvlla rektor.
Ráhkis bearaš, fuolkkit,ustibat, ovttasbargit.
Odne almmuhuvvui illudahtti ođas gonagasviesus. Gonagaslaš majestehta Gonagas Harald lea nammadan doseanta Jan Henry Keskitalo St. Olav ávvomearkka 1. luohká Riddárin.
Keskitalo lei Sámi allaskuvllas vuosttaš rektor ja sutnje geigejuvvo ánsu dehálaš barggu ovddas maid lea bargan sihke sámi ja eamiálbmot oahpuid nannemis ja vuoruheamis.
Sámi lohkanguovddáš ja Oahpahusdirektoráhtta leat vuolláičállán šiehtadusa ovdánahttit ja čuovvolahttit nationála geahččalemiid ja kártengeahččalemiid sámegiela lohkamis, mas Sámi lohkanguovddážis lea ovddasvástádus ovdánahttit geahččalemiid. Šiehtadus galgá leat mielde nanneme sámi ohppiid oahpahusa kvalitehta.
Mii, goalmmát jagi sámi mánáidgárdeoahpaheaddjeoahpu studeanttat, leat leamaš iešguđet mánáidgárddiin sámis, gos mii leat áican ahte sámi muitalanárbevierru ii leat nu oidnosis go ovdal. Dán áiggi soaitá muitaleapmi šaddan eanet guoimmuheapmin, ahte mii eat šat ane muitalusaid pedagogalaččat.
Odne mánát bajásšaddet servodagas gos šearbmageavaheapmi lea šaddan stuora oassi min eallimis, mii vuhtto hui bures mánáidgárdeárgabeaivvis. Jus boahtteáiggis galgat joatkit muitalanárbevieruin, de fertet doalahit ja árvvusatnit dan mii lea sámi árbevierru.
Sámi allaskuvla lea njukčamánu searvan SPICA intensiivagursii mii lágiduvvui dán jagi Nuukas, Kalaallit Nunaatas. Dán jagi SPICA fáddán lei: Exploring Culture, Nature, and Language for Sustainable Futures. Mo sáhttet Kalallit Nunaata meahcit/eatnamat, vásáhusat, máhttu ja eallinviisodat - árbevirolaš ja ođđaáigásaš - inspireret guoddevaš boahtteáigái?