ReLing-dutkanprošeavtta álggahanseminára
16.09.2026. Dii. 12:00 - 17:00
Dutkanprošeakta Reshaping linguistic spheres in Sápmi: language policy, linguistic atmosphere, and namescapes in the multilingual North (ReLing) lea ožžon ruhtadeami Norgga Dutkanráđis áigodahkii 2026-2031. Čakčamánu 16. beaivvi lágidit álggahanseminára Diehtosiiddas, Sullodagas. Lea maiddái vejolaš čuovvut seminára Zoom bokte, liŋkka vuollelis.
Eahketbeaivvi áiggi prošeavtta dutkit ja ovddasbargoguoimmit ovdanbuktet prošeavtta ja iežaset dutkanberoštumiid, ja dutkanguovllu – Mátta-Várjjaga ja Gáivuona suohkaniid – ovddasteaddjit ja servodatdoaibmit muitalit iežaset diliid, plánaid ja sávaldagaid birra birra. Seminára váldogiellan šaddá dárogiella. Sámegielat sáhkavuoruin lea dulkon dárogillii, muhto ii nubbibeliid. Bures boahtin čuovvut seminára ja gullat min dutkanprošeavttas!
Prográmma (smávva rievdadusat leat ain vejolaččat):
12.00-12.10 Buresboahtin: ovdanbuktit prošeavtta olbmuid, praktihkalaš dieđut. Annika Pasanen ja Torkel Rasmussen
12.10-12.20 Dearvvahussánit. SA rektor Liv Inger Somby ja goahtejodiheaddji Risten Länsman
12.20-12.50 ReLing-prošeavtta duogáš ja ulbmilat. Annika Pasanen ja Torkel Rasmussen
12.50-13.30 Suohkaniid sáhkavuorut: dilit, dárbbut, giellapolitihkka. Mátta-Várjjaga ja Gáivuona ovddasteaddjit
13.30-14.00 Káffeboddu
14.00-14.40 Prošeaktadutkiid sáhkavuorut (Sari Valkonen ja Kaisa Rautio Helander), ovttasbargoguimmiid sáhkavuorut (Pia Lane, Pigga Keskitalo, Conchúr Ó Giollagáin)
14.40-15.30 Servodataktevrraid sáhkavuorut : dutkanguovllu giella- ja kulturguovddážat, searvvit, museat
15.30-15.45 Boddu
15.45-16.30 Panelaságastallan: sávaldagat suohkan- ja servodatdásis, ReLing vejolašvuođat. Moderáhtor Pia Lane
16.30-16.40 Loahpahus: ReLing boahttevaš lávkkit, mii lea vuordimis. Annika Pasanen ja Torkel Rasmussen
Zoom-latnja lágideapmái:
Topic: Forskingsprosjektet ReLings oppstartsseminar / ReLing-dutkanprošeavtta álggahanseminára
Time: Sep 16, 2026 12:00 PM Amsterdam, Berlin, Rome, Stockholm, Vienna
Join Zoom Meeting
https://samas.zoom.us/j/68931566903
Meeting ID: 689 3156 6903