Sámi oahpahuskonferánsa 2023

Konferánssa ulbmilin lea beassat lonohallat eamiálbmogiid oahpahanvásáhusaid ja buktit oidnosii sámi mánáidgárddiid, skuvllaid ja alitoahpahusa ja maid internationála eamiálbmotoahpahusa vásáhusaid ja muitalusaid. Go iešguđet eamiálbmogat lonohallet vásáhusaideaset, de dat lea doarjjan ja vuođđun eamiálbmot-pedagogalaš filosofiijai, mainna pedagogat, oahpaheaddjit ja dutkit sáhttet ávkkástallat oahpahusas.  Konferánssa fáttát leat:

• Sámi oahpahusrámmat, lágat, njuolggadusat, rámmaplánat dahje oahppoplánat mat gusket ja váikkuhit sámi oahpahusa mánáidgárddis, skuvllas, ja alitoahpahusas. Earret eará árvvoštallama ektui, mo čađahit árvvoštallama mii nanne oahppama ja čađahit loahppaárvvoštallama ja bidjat árvosániid mat leat dásseárvosaččat

• Sámi oahpaheaddjeprofešuvdna ja sámegiel árgabeaivi ja oahpahusa sámi mánáidgárddis, skuvllas ja alitoahpahusas

• Ovdáneame ja dutkama ávkin sámi oahpahus práksisáidde mánáidgárddis ja skuvllas.

Mii bovdet mánáidgárdebargiid, -oahpaheddjiid, ja -eaiggádiid, vuođđo- ja joatkkaskuvllaid ja alitoahpahusaid oahpaheddjiid ja jođiheddjiid sihke dutkiid ja studeanttaid juogadit iežaset dutkama ja oahpahusa. Konferánssas lea vejolaš ovdanbuktit dieđalaš oanehisčállosa (paper), logaldallamiid, čájehit filmmaid ja posteriid, dahje doallat bargobájiid. 

Eanet dieđut konferánsa birra

Dieđihemiid, prográmma, áigemeriid jnv. gávdnat konferánsa siiddus: 

• Sámi oahpahuskonferánsa 2023 | Sámi allaskuvla (liŋkka) 

Sámediggi Norggas lea ruhtadan konferánsa.