Girjealmmuheapmi "Movt čuoika bođii Sápmái"

Sámi lohkanguovddáš ja Nasjonalt senter for flerkulturell opplæring (NAFO) bovdeba girjealmmuheapmái “ Movt čuoika bođii Sápmái” Diehtosiidii. Lágideapmi lea oassin Sámi giellavahkkus.

“Movt čuoika bođii Sápmái” muitalus lea sámi árbevirolaš máinnas masa Gunnlaug Ballovarre lea illustreren govaid. Girji lea ovttasbargu gaskal Sámi lohkanguovddáža ja NAFO ja almmuhuvvo sullii 30 gillii. Ulbmil ovttasbargguin lea ahte eambbogat galget oahpásnuvvat sámi muitalanárbevieruin.

Almmuheami oktavuođas ovdanbuktojuvvo girji davvisámegillii ja dárogillii ja prošeaktajoavku muitala barggu birra. Dollojuvvojit maiddái logaldallamat sámi muitalanárbevieru birra ja movt mánáidgárddit ja skuvllat sáhttet bargat muitalusaiguin.

Prográmma

Dii. 11.30–12.30: Biđus ja bulljarasat

• Čuoikka luohti  Inga Elisa Påve Idivuoma 
• Bures boahtin sárdni Karen Inga Eira jođiheaddji Sámi lohkanguovddážis ja Marit Lunde jođiheaddji Nasjonalt senter for flerkulturell opplæring`is 
• Muitalusa ovdánahttin Prošeaktajoavku 
• Muitalit Mo čuoika bođii Sápmái davvisámegillii ja dárogillii 

15 minuhtta gáffe ja deadja boddu 

• Sámi muitalanárbevierru Ánte Mihkkal Gaup ja Mai-Britt Utsi 
• Báikkálaš skuvllas ja mánáidgárddis ovdamearkkat mo bargat muitalusaiguin  

Dii. 15.30–16.00: Minglet, geahčadit girjji ja resurssaid – giitu otnážii! 

Movt gávnnat muitalusa? 

Muitalus lea nuvttá ja rabas buohkaide, ja boahtá leat gávdnamis morsmal.no ja lohkanguovddas.no neahttasiidduin. Šaddá maid vejolaš diŋgot deaddiluvvon veršuvnnaid, de bohtet máksingolut frávtta ja deaddileami ovddas.

Praktihkalaš dieđut

Lágideapmi lea nuvttá ja rabas buohkaide. Dieđiheapmi neahttaskovi bokte. Fuom.: geatnegahtton dieđiheapmi 

Dieđihanáigemearri lei 12.10.26, dii. 20.00

Guossohuvvo glutenkeahtes biđus. Eará biepmu sáhttá oastit kantiinnas.

Bures boahtin!