22. Gol 2026 18:30 - 20:00
Deatnogátte nuorat guoimmuhit Sámi giellavahkus
Sámi allaskuvla lea bovden Deatnogátte nuorat -joavkku Diehtosiidii duorastaga golggotmánu 22. beaivvi eahkedis. Dát konsearta lea oassin Sámi giellavahku 2026 prográmmas. Ovdal konseartta lea ságastallan joavkkuin maid vuosttašamanueansa ja historihkkár Katri Sombys jođiha. Ságastallama fáddán lea sámegiella musihkkalávddiin 1973 rájes, ja mo dát joavku lea musihkainis ovddidan ja čalmmustahttán sámegiela.
Deatnogátte Nuorain leat mielde Leif Jakobsen, Hartvik Hansen, Per Gunnar Andersen, Tore Aslaksen ja Irene Pettersen. Govva: Helene Nordsletta Aslaksen
Konsearta lea nuvttá ja rabas buohkaide. Bures boahtin!
Lágideamit
Duorastat
15
Gol.
08:30 - 15:00