Čilgehus mearriduvvon árvosátnái ja váidin

Árvosániid almmuheapmi

  • Árvosánit almmuhuvvojit Studentwebas.
  • Eksámeniid árvvoštallanáigemearri lea golbma vahku eksámenbeaivvi rájes / dan beaivvi rájes go kandidáhtta lea addán sisa eksámenvástádusa, jus árvvoštallanáigemearri ii viiddiduvvo erenoamáš sivaid geažil.


Čilgehus mearriduvvon árvosátnái

Kandidáhtas lea vuoigatvuohta oažžut čilgehusa das mo su eksámenvástádus lea árvvoštallojuvvon.

  • Njálmmálaš dahje praktihkalaš eksámenis ferte kandidáhtta gáibidit dákkár čilgehusa dakkaviđe maŋŋil go árvosátni lea almmuhuvvon.
  • Čálalaš eksámenis ferte kandidáhtta gáibidit čilgehusa vahku sisa árvosáni almmuheami rájes, ii dattege eanet go golbma vahku maŋŋil árvosáni almmuheami.
  • Don bivddát čilgehusa árvosátnái StudentWeb bokte: "Resultater/Results" vuolde deaddil «Begrunnelser og klager/Explainations and appeals». Deaddil eksámena ja «Be om begrunnelse på sensur/Request explaination of grade».
  • Sensor vállje addogo gáibiduvvon čilgehus čálalaččat vai njálmmálaččat.


Árvosáni váidin

  • Kandidáhtta sáhttá váidit árvosáni golmma vahku sisa eksámenbohtosa almmuheami rájes.
  • Jus kandidáhtta lea gáibidan čilgehusa árvosátnái dahje lea váidán formála meattáhusa eksámenčađaheamis, de lohkko váidináigemearri dan rájes go kándidáhtta oažžu čilgehusa, dahje dan rájes go váiddaášši lea mearriduvvon.
  • Váidda galgá ovddiduvvot čálalaččat ja čilgehus galgá leat oassin váidagis. Váidda ovddiduvvo oahppohálddahussii.
  • Don váiddát árvosáni StudentWeb bokte: "Resultater/Results" vuolde deaddil «Begrunnelser og klager/Explainations and appeals». Deaddil eksámena ja «Klage på sensur/Appeal against grade».
  • Njálmmálaš eksámena árvvoštallama, hárjehallama dahje eará árvvoštallama ii sáhte váidit jus geahččaleapmi lea dakkár ahte ii leat vejolaš árvvoštallat dan ođđasit.


Eksámenlágideami formála meattáhusaid váidin

  • Eksámenkandidáhtta sáhttá váidit eksámenlágideami formála meattáhusaid. Váidináigemearri lea golbma vahku dan rájes go kandidáhtta fuomášii, dahje berrešii fuomášan, ášši man dihte váidá.
  • Váidda galgá ovddiduvvot čálalaččat ja čilgehus galgá leat oassin váidagis. 
  • Sáhtát atnit dán skovi váidagii: Váidda: Formála meattáhus eksámenis / Appeal: Procedural error at examination



Loga eambbo sensura ja váidima birra PDF icon Loahpalaččat dohkkehuvvon 15.06.2011 Sámi allaskuvlla eksamen- ja árvvoštallama láhkaásahus.pdf.