Eksámenheiveheamit

Allaskuvla sáhttá mieđihit sierranas eksámeneavttuid kandidáhtaide geat duođaštit erenoamáš lohkan- / čállinváttuid, doaimmashehttejuvvon kandidáhtaide, áhpehis kandidáhtaide geat dárbbašit vuoiŋŋastit, kandidáhtaide geat njamahit njuoratmánáid jna. Sierranas eksámeneavttut sáhttet leat erenoamáš fysihkalaš heiveheamit, veahkkeneavvut (pc jna.) ja viiddiduvvon eksámenáigi.

Kandidáhtat geat dárbbašit čađahit eksámena sierranas eavttuid vuođul, fertejit ohcat dákkár vejolašvuođa unnimusat guokte vahku ovdal eksámena. Jus lea fáhkka čuožžilan dilálalašvuohta, de sáhttá spiehkastit áigemearis. Duođaštusas ferte boahtit ovdan sierranas eksámeneavttuid dárbu, ja doavttirduođaštus/logoped/psykolog ferte čilget makkár erenoamáš dárbbut kandidáhtas leat eksámenčađaheami oktavuođas. Erenoamáš eksámenortnegiid ferte ohcat čálalaččat sierra juohke eksámenáigodahkii. Go bistevaš buozanvuohta lea duođaštuvvon, lea doarvái ahte kandidáhtta buktá doavttirduođaštusa vuosttaš háve go ohcá sierraortnegiid eksámeniidda. Ohcamat meannuduvvojit hálddahuslaččat ovttasráđiid fágasurggiin.

Geavat skovi maid gávnnat PDF icon SKOVVI Eksámen sierranas eavttuid vuodul PDF.pdf go áiggut ohcat eksámenčađaheami sierranas eavttuid vuođul.