Sámi allaskuvlla ohcciidlogut prográmmaoahpuide leat guovtti jagis sakka lassánan. Logut čájehit ahte dán jagi leat oktiibuot 140 ohcáma, 101 ohcci ja 48: s sis leat bidjan Sámi allaskuvlla oahpuid vuosttašvuoruhussan go leat ohcan allaskuvllaide
Ođasvuorká
Ruvdnaprinsa ságastalai studeanttaiguin
Gonagaslaš Allavuođa Ruvdnaprinsa Haakon finai Sámi allaskuvllas gos čuovui moadde diibmosaš seminára mas Sámi allaskuvlla dutkit ovdanbukte oanehaččat fáttáid nu go árbevirolaš máhttu, osku ja eallináddejupmi, giellaseailluheapmi ja duodji.
Liv Inger Somby lea Sámi allaskuvlla ođđa rektor
Liv Inger Somby válljejuvvui ođđa rektorin ja Henrik Samuel Valkeapää ges válljejuvvui ođđa prorektorin Sámi allaskuvlii boahtte čavčča rájes.
Ná ozat Samordna opptak bokte
Ohcanáigemearri alitohppui lea cuoŋománu 15. beaivvi dii. 23:59, ja dan oktavuođas leat ráhkadan bagadusa movt galgá ohcat prográmmaoahpuide Samordna opptak bokte.
Ruvdnaprinsapárra finada Sámi allaskuvllas
Cuoŋománu 18. beaivvi finadeaba Gonagaslaš Allavuođaguovttos Ruvdnaprinsa ja Ruvdnaprinseassa Sámi allaskuvllas gos galgaba earret eará deaivvadit min bargiiguin ja studeanttaiguin.
Girječállioahppu 1 ja 2
Niegadat go šaddat girječállin? Boahtte čavčča álgá Sámi allaskuvllas girječállioahppu 1 ja 2, maid lágidit ovttasráđiid Sámi Girječálliid Servviin.
Háliidii sámi birrasa
Pia Maria Labba Badje Sohpparis eret ipmirdii man rašes dilis sámegiella duođai lea Ruoŧa bealde. Dainna son háliidii geahččalit dahkat maid sáhttá, ja nu gazzagođii sámi oahpaheaddjeoahpu 1.-7. ceahki Sámi allaskuvllas.
Elektruvnnalaš rektorválggat gitta 14.04.23 rádjái
Sámi allaskuvlla válgastivra lea 16.03.23 ovttajienalaččat dohkkehan nominašuvdnalávdegotti rektor- ja prorektorkandidáhtaid evttohusaid.
Guokte teama gilvalit rektoráhta doaibmagotti nalde:
