Ođđasat
- Rabas oahpposajit vuođđoskuvlaoahpaheaddjeoahpus- oza ovdal 01.09.24!
- Oahput maidda sáhttá ohcat 01.09.24 rádjai
- Orrut, boradit ja mánáid fuoláhit go leat studeanta
- Sisabeassangáibádusat oahpaheaddjeoahpuide leat ložžejuvvon
- It leat vel ohcan oahpposaji čakčii? Mii leat guhkidan ohcanáigemeari!
- Guhtta ođđa sámi ofelačča
- Áiggošit go lonuhit vuoruheami oahpposaji ohcamis?
- Oahppojagi loahpaheapmi
- IndigMEC2 konferánsii lea dieđiheapmi rabas
![](https://samas.no/sites/default/files/styles/hovedbilde/public/field/image/5o6a5461.jpg?itok=Jqtc3rVw)
Ođđa Dieđut-girji almmuhuvvon
Disdaga njukčamánu 26. beaivvi almmuhuvvui girji "Searvedoaibma: Art and Social Communities in Sápmi", Dieđut 1/2024.
Girji guorahallá sámi dáidaga, duoji ja kultuvrra kompleksitehta Sámis, ja čalmmustahttá áigeguovdilis hástalusaid mat sámi dáiddáriin leat otná servodagas. Dat guoskkaha gažaldagaid earret eará das mo dáiddalaš doaibma sáhttá čađahuvvot sámi eavttuid mielde, ja movt hástalusat dego sámi iešmearrideapmi eatnamiidda ja čáziide váikkuha sámi dáidagii dálá servodagas.
Ságastallan sámi dáidaga, duoji ja kultuvrra birra joatká ain viidáset, go lea jurdda ovdanbuktit girjji Romssas miessemánu 16. b. ja Riddu Riđđus geasset.
Girjji sáhtát digitálalaččat lohkat dáppe: https://samas.brage.unit.no/samas-xmlui/handle/11250/3124166
Jus háliidat fysalaš girjji, de sáddes e-boasta deike orderbook@samas.no. Fysalaš girji máksá 200 ru.