Lávostallan / Lávvu-gahtering

 06.10. dii 13:30-16:00 Lávus 

 07.10. dii 11:30-15:00 Lávus

Karen Marja E. Buljo (Jusse Juhán Niillasa Gáre Márjá) lea duojár ja badjeolmmoš gii lea sámi oahpaheaddjeoahpuid ovttasbargoguoibmi. Sus lea viiddis ja čiekŋalis árbevirolaš máhttu. Son dadjá sus lea “sámi bargguid čehppodat” ja bargá áŋgirit fievrridit sámi máhtu viidásit buolvvas bulvii. Su sešuvnnas beassat návddašit lávvu, juhkat káfe, oahpat lávvosániid ja gilvvohallat.

Beavddit / Stands

6.- 8.10 Boađahat

Sámi Giellagáldu

Sámi Giellagáldu doallá diehtojuohkinstánda Sámi ja eamiálbmot oahpahuskonferánssas 2026, gos sáhtát fitnat oahpásmuvvame min bargguide ja doaimmaide, dahje dušše ságastit giela ja giellaáššiid birra. 

Sámi allaskuvla

Duodječajahusat 

Sámi Ruoktu: Árbedieđu Seailluheapmi

Sámi allaskuvlla duodjibachelor studeanttaid čájáhus

06.- 08.10 Árrangáddi (kantiinas)

Rahpandoalut: 06.10, dii 15:20

2026 giđa čađahedje vihtta studeanta  duodjebachelor  barggu. Studeanttat dutke  iešguđetge fáttá ja čovde čuolmmaid duddjoma bokte.  Dujiid ovttastit čájáhussi mii govviida sámi ruovttu. Dás čájehit sámi ruovttu bargguid ja árbedieđuseailluheami ja ovdáneami. Čájáhusas ovdanbukte golbma dán vihtta studeanttas iežaset bachelorbargguid ja dujiid.

Čájáhusas leat fárus:

Sárá Gáren Ánne Nilut, Ellen J Bals & Elle Mina Kuoljok Baer

Duddjonvuđot pedagogalaš dutkan- ja ovdánahttinbarggut 

Sámi allaskuvlla fágabargiid joavkočájáhus

6.- 8.10 2.gearddis 

Rahpandoalut: 06.10, dii 17:00

Duddjonvuđot pedagogalaš  dutkan- ja ovdánahttinbargu lea vuođuštuvvan dasa ahte dutki lea oasálaš duddjoma proseassas ja nu ádde duddjoma dutki čalmmiiguin. Min čájáhusas lea sámiid máilbmi ja duddjoma vuolggasadjin, ja láktasa nannosit dáiddalaš dutkama fágasuorgái. Ovdanbuktimis leat sihke dutkan- ja ovdánahttinprošavttat  mas lea pedagogalaš bealli, maid leat juohkehaš čađahan, jogo okto dahje earáiguin ovttas.

Min oktasaš jearaldat lea: Mii lea pedagogalaš geahčastat duddjonvuđot dutkan ja ovdánahttinbargguin, ja mo boahtá ovdan min čájáhiusas?

Čájáhusas leat fárus:

Laila Susanna Kuhmunen, Gunvor Guttorm, Maarit Magga, Ingá Elisá Påve Idivuoma, Egil Pedersen, Sara Inga Utsi Bongo, Ann Majbritt Eriksen & Henrik Samuel Valkeapää, Sámi allaskuvla

Lassifálaldat

Searvva Birgejupmi prošeavtta ságastallamii 

 6.10 Ávžžádat: 13:30 - 15:00 

7.10 Ávžžádat: 13:00 - 14:30

Ságastallanjođiheaddji / Moderator: Henrik Samuel Valkeapää

Oassalastit / Participants:

Det Grønlandske Hus, København – Kalaallit Illuutaat

Milan Marius Peter Anders Pape Kucho, Malu Arnaruluk Hendriksen, Andreas Willesen & Ralf Lindholm

Copenhagen University

Naja Dyrendom Graugaard