mai 19. beaivi 2015

NOKUT lea dohkkehan oahpuid kvalitehtasihkkarastinvuogádaga

UH-lága mielde galgá buot  ásahusain, mat fállet alitoahpu, leat vuogádat mii sihkkarastá oahpuid kvalitehta. NOKUT lea ožžon bargun evalueret ásahusaid kvalitehtasihkkarastinvuogádaga. Dákkár evalueren dahkko sullii juohke njealját jagi.

NOKUT áššedovdilávdegoddi lea árvvoštallan Sámi allaskuvlla oahpuid kvalitehtasihkkarastinvuogádaga ja finai allaskuvllas golggotmánu 9.–10. beivviid  2014, ja  doaimmahii raportta NOKUT:ii guovvamánu 23. beaivve 2015.

NOKUT stivra dagai cuoŋománu 23. beaivve 2015 čuovvovaš mearrádusa:

Sámi allaskuvlla oahpuid kvalitehtasihkkarastinvuogádat dohkkehuvvo.

 

Raportta sáhtát lohkat dáppe:

http://www.nokut.no/no/Nyheter/Nyheter-2015/Kvalitetssikringssystemet-ved-Samisk-hogskole-godkjent/#.VVuLpk0w_IX