Eatnama Mánát Skuvlema Bálgáid alde: Nannet sámi mánáid identitehtta ja resilienssa skuvlenintitašuvnnaid tranformašuvnna bokte

Dutkanprošeavtta Eatnama mánát ruhttada Norgga Dutkanráđđi- Dutkanprošeavtta ulbmilin lea guorahallat kritihkalaččat, govvet ja analyseret sámeoahpahusa pedagogalaš ja didaktihkkalaš geavadagaid. Dutkit ovttasbarget oahpaheaddjiiguin gávnnahadihte sámepedagogihkkii ja oahpaheaddji profešuvdnii mihttilmas geahččanguovlluid sámeoahpahusa oktavuođas. Dutkamuš čađahuvvo skuvlaetnografalaš metodain, muhto akšuvdnadutkamuša málle mielde prošeakta vuođđuda gulahallamii ja ovttabargui oahpaheaddjiiguin geat barget mánáidgárddiin ja vuođđoskuvllain.

Dán prošeavtta ulbmil lea gávdnat lahkonanvugiid dasa mo transformeret ja ođđasit hábmet sámeoahpahusa oahpahus- ja doaibmanvugiid Sámi árabajásgeassimis, vuođđoskuvllas ja sámi oahpaheaddjeskuvlejumis nu ahte oahpahus nanne sáme mánáid identitehta ja resilienssa. Dutkanprošeakta oktan ulbmilin lea dutkat soabadeami nationála skuvlejumi dásis, Sámi- ja eamiálbmot vuoigatvuođaid ja bistevaš ovdáneami.  

Prošeavtta jođiha Ylva Jannok-Nutti ovttas Marikaisa Laitiin ja Rauna Rahko-Ravanttiin. Prošeavttas bohtet bargat maid eará eamiálbmot ja sámedutkit geat oassálastet buvttadit dutkanbohtosiid ja doarjut dutkamuša referánsajoavkkus.

Prošeakta čađahuvvo áigodagas 2025-2029