Ođđasat
- Sámi allaskuvla lea ásahišgoahtime sámi AI Lab
- Laila Susanne Vars lea nammaduvvon The International Arctic Science Committee (IASC) lávdegoddái
- Ylva Jannok Nutti oažžu Várdduo dieđalaš bálkkašumi 2023
- Oza giđa 2024 oahpuide
- Stádabušeahtta: Nanne sámi alitoahpahusa
- Sámi logut muitalit 15 raporta lea almmuhuvvon
- Barggat go vai lea go dus beroštupmi bargat dulkan?
- 3D-teknologiijain vejolaš hábmet ođđa oahppofálaldagaid
- Verddeovttasbargu gaskkal Sámi allaskuvlla ja Guovdageainnu suohkana
![EHESS Paris](https://samas.no/sites/default/files/styles/hovedbilde/public/field/image/graham_smith_margaret_kovach_jelena_porsanger_paris_3_6_2014.jpg?itok=pJjHeadi)
Álgoálbmotdutkan 21.jahkečuođis - bargobádji
Sámi allaskuvlla rektor Jelena Porsanger lei bovdejuvvon logaldallin bargobájis álgoálbmotdutkama metodologiijaid birra geassemánu 3.beaivve Parisas.
Bargobádji lágideaddji lei School for Advanced Studies in Social Science (École des hautes études en sciences sociales, EHESS).
Bargobádjái oassálaste máŋga álgoálbmotdutki ee. Aotearoas/Ođđa Selánddas, Austrálias, Kanadas. Ságastallama fáttáid gaskkas ledje ee. álgoálbmot servodatdutkama paradigma, "post"-álgoálbmotdutkan (post-Indigenous studies), álgoálbmotdutkama etihkka, álgoálbmotdutkama luohtehahttivuohta (validity) ja gullevašvuohta (dependability).
Bovdejuvvon logaldalliid gaskkas ledje ee. professor Graham Smith, Te Whare Wananga O Awanuiarangi (Aotearoa/New Zealand), Margaret Kovach (Educational Foundations/Educational Administrations, University of Saskatchewan, Canada), Aileen Moreton-Robinson (National Indigenous Research and Knowledges Network, Australia), ja Brendan Hokowhitu (Faculty of Native Studies, University of Alberta, Canada).
EHESS pláne almmuhit ovdanbuktimiid.