Sámi Family Innovation Weekend

Sámi Family Innovation Weekend 2026

Buolvvaid gaskasaš ovttasbargu – árbediehtu ja ođđa jurdagat hábmejit boahtteáiggi 

6.–8. skábmamánu 2026 | Diehtosiida, Guovdageaidnu 

Maid golbma buolvva sáhttet ráhkadit ovttas? 

Mii ohcat sámi bearrašiid, gos golbma buolvva – nuorat, rávisolbmot ja vuorraset – háliidit ovttas guorahallat mo bearrašiid máhttu, sámi kultuvra ja árbevierut sáhttet leat vuođđun ođđa jurdagiidda, innovašuvnnaide ja fitnodatvejolašvuođaide. 

Vahkkoloahpa áigge beassabehtet juogadit máhtu ja vásáhusaid, oahppat nubbi nuppis ja ovttas hutkat ođđa vejolašvuođaid. Jurdagat sáhttet ovdánit ovdamearkka dihte bearrašfitnodahkan, kultuvrralaš doaibman, ođđa buktagiidda dahje bálvalusaide. 

Lea go din bearrašis árbevirolaš máhttu maid háliidivččidet fievrridit viidáseappot? Lea go dis fitnodat dahje jurdda maid háliidivččidet ovdánahttit? Dahje háliidivččidet go dušše fuomášit maid dii sáhttibehtet ovttas ráhkadit? 

Dis ii dárbbaš válmis fitnodatjurdda dahje prošeavtta. Deháleamos lea din bearraša máhttu, beroštupmi ja dáhttu ovttas guorahallat ođđa vejolašvuođaid. 

Maid sáhttibehtet vuordit? 

Vahkkoloahpa fágalas ja kreatiivvalaš láidesteaddji lea Daniil Pokidko, Hanken Svenska handelshögskolanis Suomas. 

Daniil láidesta din kreatiivvalaš bargoproseassa, mas dii juogadehpet vásáhusaid, guorahallabehtet hástalusaid, ovdánahttibehtet jurdagiid ja geahččalehpet ođđa vejolašvuođaid. 

Dii beassabehtet oahppat iežadet bearrašis ja eará bearrašiin, veahkehit guhtet guoimmiset ja smiehttat movt háliidehpet joatkit ovddosguvlui. 

Daniila birra sáhtát lohkat eanet dáppe:  

https://www.hanken.fi/sv/person/daniil-pokidko 

Prográmma oanehaččat 

Bearjadat 6.11. | Álgu dii. 12.00 

Oktasaš lunša, oahpásmuhttin ja bearašiid muitalusat. Mii lea min bearrašii dehálaš? Maid mii háliidit fievrridit viidáseappot? 

Lávvardat 7.11. | Jurdagiin doaibmii 

Kreatiivvalaš bargobájit, ovttasbargu ja jurdagiid geahččaleapmi. Bearrašat guorahallet ođđa vejolašvuođaid ja geahččalit mo iežaset máhttu ja jurdagat sáhttet šaddat konkrehta doaibmabijuide. 

Sotnabeaivi 8.11. | Boahtteáiggi vejolašvuođat 

Maid mii leat oahppan? Maid mii háliidit joatkit? Bearrašat juogadit vásáhusaid ja smiehttet vejolaš boahttevaš lávkkiid. 

Vahkkoloahppa loahpahuvvo oktasaš lunšain dii. 12.00. 

Geat sáhttet searvat? 

Mii ohcat sámi bearrašiid miehtá Sámi, main leat mielde golbma buolvva. 

Oasseváldit sáhttet leat nuorat, váhnemat, áhkut, ádját ja earát geaid dii atnibehtet bearrašii gullevažžan. 

Mii sávvat erenoamážit ahte nuorat, rávisolbmot ja vuorraset sáhttet searvat ovttas. 

Praktihkalaš dieđut 

Oassálastin lea nuvttá. Sámi allaskuvla gokčá: 

• Mátkkiid Guovdageidnui ja ruoktot 
• Hotealla vahkkoloahpa áigge 
• Borramušaid prográmma áigge 

Goas: 6.–8. skábmamánu 2026 
Gos: Diehtosiida, Guovdageaidnu 
Giella: Bargobadji čađahuvvo sámegillii ja eŋgelasgillii. 

Mot dieđihit? 

Dieđit din bearraša [LIŊKA] bokte maŋimustá 30.10.2026. 

Muitalehket oanehaččat geat dii lehpet, gos dii orrubehtet ja maid dii háliidivččidet guorahallat dahje ovdánahttit. 

Sajit leat ráddjejuvvon. 

Gažaldagaid sáhtat sáddet e-posttii: conference@samas.no  

Sámi AI Lab 

Dát vahkkoloahppa lea pilotdoaibma Sámi AI Lab barggu olis. Prošeaktajođiheaddji lea professor Lars Ailo Bongo Sámi allaskuvllas. 

Boahtteáigi álgá min iežamet máhtus, kultuvrras ja jurdagiin.