Ođđasat
- Oahppu ii deatte - ođđa podkasta
- Muitosánit ávvuoahpheaddji Edel Hætta Eriksen eretvádjoleami oktavuođas
- Studeanttaviesu almmolaš rahpan
- Sámi allaskuvlla almmolaš rahpandoalut
- Etnešguovttos: Konsearta kantiinnas 16.08.23
- Ođđa rektorin oahpásmuvvat
- Ollu oahput ja alla ohcciidlogut Sámi allaskuvllas
- Ođđa vejolašvuohta ohcat čavčča oahpuide
- Sámi allaskuvlla ođđa stivra
![Gová: Anne Katja Gaup, Johtti Productions AS Gová: Anne Katja Gaup, Johtti Productions AS](https://samas.no/sites/default/files/styles/hovedbilde/public/field/image/allaskuvla-web-foto_anne_katja_gaup-7_1.jpg?itok=QWxlEJie)
Prográmmaoahput 2024 čavčča
Leat go álgán plánet oahpu gazzat oahppojagi 2024-2025, muhto it riektá dieđe vel masa galggat ohcat? Mii leat ráhkadan bajilgova min prográmmaoahpuin mat álget čakčalohkanbajis 2024, ja maidda rahppo oahppofálaldagaid sisaváldin govvamánu 1. beaivvi 2024. Sámi allaskuvla lea mearridan bidjat čuovvovaš prográmmaoahpuid johtui:
- Sámegiela ja sámi girjjálašvuođa masteroahppu
- Sámegiela ja girjjálašvuođa doavttergrádaprográmma
- Sámi vuođđoskuvlaoahpaheaddjeoahppu 1.-7. ceahkki
- Sámi vuođđoskuvlaoahpaheaddjeoahppu 5.-10. ceahkki
Ohcanvuogádat: Samordna opptak
Jus it leat ovdal ozan Samordna opptak bokte, mii leat ráhkadan láidehusa mot ozat
Ohcanáigemearit:
Dábálaš ohcanáigemearri lea 15.04 oahpuide mat álget čakčalohkanbajis.
Ohccit geat ohcet oahpuide realgelbbolašvuođa vuođul ja eavttuid vuođul, dahje geat dárbbašit árrasisaváldima, berrejit ohcat ovdal 01.03 oahpuide mat álget čakčalohkanbajis. Reálagelbbolašvuođa gáibádusat ja árrasisaváldima gáibádusat gávdnojit Sámi allaskuvlla sisaváldinnjuolggadusain.
Sisabeassangáibádusat
Gáibádussan beassat studeantan Sámi allaskuvlii lea oppalaš lohkangelbbolašvuohta ja sámegiella. Jus dus ii leat oppalaš lohkangelbbolašvuohta, de sáhtát ohcat reálagelbbolašvuođa vuođul. Sámi allaskuvlla vuođđooahpuin ja eanaš eará oahppofálaldagain gáibiduvvo dihto dási sámegielmáhttu. Muhtin oahppofálaldagain sáhttet erenoamáš gáibádusat. Dát čilgejuvvojit sierra iešguđet oahppofálaldagas.
Oppalaš lohkangelbbolašvuođa gáibádusat gávdnojit Samordna opptak siiddus. Reálagelbbolašvuođa gáibádusat gávdnojit Sámi allaskuvlla sisaváldinnjuolggadusain.
Jus leat ohcci Ruoŧas, Suomas dahje Ruoššas sáhtát gávdnat Samordna opptak siiddus eambo dieđuid makkár gáibádusat guoskkahit du.
Sádde duođaštusaid
Muitte laktit duođaštusa ahte deavddát sisabeassangáibádusaid nu jođánit go vejolaš maŋŋel go ohcan lea registrerejuvvon.
Goas oaččut vástádusa oahpposaji ohcamii?
Vástádus almmuhuvvo Samordna opptak siiddus 20.07.
Jus leat ohcan árrasisaváldima bokte dahje reálagelbbolašvuođa vuođul, de almmuhuvvo vástádus oahpposajiohcamii 20.05. Samordna opptak siiddus
Jearaldagat?
Jus dus leat gažaldagat ohcama oktavuođas, de váldde áinnas oktavuođa oahppohálddahusain e-boasta dahje telefovnna botke: oahppohalddahus@samas.no/ +78 78 44 84 00.