Oza ruhtadeami oahpahusdirektoráhtas!

Jus leat oahpaheaddji de lea vejolaš ohcat stipeandda dehe sadjásašortnega Oahpahusdirektoráhta siidduin dákko bokte. Jus leat oahpaheaddji de sáhtát oažžut oahpahusdirektoráhtas doarjaga Sámi allaskuvlla sámegielkurssaide ja joatkkaoahpuide. 

Sámi allaskuvlla oahppofálaldagaide sáhttá ohcat ruhtadeami Oahpahusdirektoráhta KfK ortnega bokte. Sáhtát ohcat doarjaga oahppofálaldagaide mat eai leat Oahppodirektoráhta katalogas. De merket ohcamis ahte háliidat ohcat eará oahppofálaldagaide (andre studietilbud). Eará fálaldagat addet vuoigatvuođa seamma eavttuide go dat fálaldagat mat leat oahppokatalogas.  Fuomáš ahte ohcama ferte skuvlaeaiggát dohkkehit.

Oahpahusdirektoráhta ohcanáigemearri lea 01.03.2021. Go oahppofálaldat ii leat oahppokatalogas, de fertet maiddái ohcat Sámi allaskuvlla ohcanportála bokte.
 

Ruhtadeapmi gusto čuovvovaš joatkkaoahpuide oahpaheddjiide:

• Andrespråkspedagogikk 
• Bagadallanpedagogihkka 1
• Matematihkka 2 joatkkaoahppun 5-10 ceahki vuođđoskuvlaoahpaheddjiide
• Servodatfága 2 joatkkaoahppun 5-10 ceahki vuođđoskuvlaoahpaheddjiide
• Oahpaheaddji digitála gelbbolašvuohta ja gáiddusoahpahusa čađaheapmi