Ođđasat
- Ohcanáigemearri allaskuvladirektevravirgái lea guhkiduvvon
- Gárve iežat oahpaheaddjeoahpu kvalifiserenortnega bokte!
- Sámi allaskuvla ohcá direktevrra
- Šatta ofelažžan - Sjatta oahpestiddjen - Tsïegline sjïdth!
- Sámi buohccidivššároahppu – don sáhtát váikkuhit makkár sisdoallu galggašii
- Guhkiduvvon ohcanáigemearri čavčča 2021 oahpuide!
- Háliidat go bargat studeanttadoaimmaiguin ja seammás diinet ruđa? De geahčes deike!
- Ohcanáigemearri oahpuide láhkonišgođii
- Studeanttaid sisabeassan Diehtosiidii 29.03-12.04
![Lávvu ja suonjir](https://samas.no/sites/default/files/styles/hovedbilde/public/field/image/img_7413_2.jpg?itok=Z19UkKTe)
Bargobájit ja kurssat oahpaheddjiide giđđat 2023
Sirdin gaskadási ja nuoraiddási gaskkas lea leamaš máŋgii digaštallan fáddán oahpaheddjiide áiggiid čađa. Dál lea oahpaheddjiide vejolaš guovtti bargobájis dáin dásiin digaštallat ja juogadit vásáhusaid skuvllaid ja dásiid gaskkas. Maŋŋil LK20/LK20S/ML20S sisafievrrideami sáhttá nuoraidskuvladási matematihkka vásihuvvot eanet teorehtalažžan go ovdal. Mo vásihit nuoraidskuvladási ja gaskadási matematihkkaoahpaheaddjit ahte oahppoplánat doibmet? Mii lea buorre, ja mii lea gáibideaddji? Mo sáhttet dát ohppiidjoavkkut bargat ovttas buoremussan ohppiide?
Sámegiela oahpaheaddjestudeanttat geain lea matematihkka fágan leat maiddái buresboahtin, beroškeahttá makkár oahppobáikái gullet.
Sámi allaskuvla áigu doarjut oahppoplánaid implementeren barggu, ja lágida danne bargobájiid maid sisdoallu lea geometriija ja algebra, ja fágabeivviid programmerema birra 2023 giđa mielde. Ulbmiljoavkun leat gaskadási ja nuoraidskuvladási matematihkkaoahpaheaddjit geat oahpahit sámegielat ohppiid Norggas.
Bargobájiin lea deaddu sámi perspektiivvaide matematihkkafágas. Bargobájit leat guovtti oasis main lea moadde vahkku 1. oasi ja 2. oasi gaskkas. Lea vejolašvuohta oažžut dulkojumi davvisámegiela ja dárogiela gaskkas, ja mii láhčit nu ahte joavkobarggus besset sámegielat oasseváldit bargat ovttas. Buot bargobájit leat fysalaččat Guovdageainnus. Sámegielat oahpaheaddjestudeanttat besset oassálastit sierra joavkun.
Dieđihanáigemearit
- Geometriija ja algebra bargobádji: disdaga ođđajagimánu 10. b. 2023
- Kursa: programmeren: gaskavahkku guovvamánu 22. beaivvi 2023
Unnimusat 6 olbmo ja eanemusat 24 olbmo bargobájis ja kurssas. Oasseváldit bargobájin vuorohuvvojit beassat searvat prográmmerenkursii.
Dieđiheapmi forms bokte https://forms.office.com/e/LELFDkc5ww