Bilde av barnetegning fotografert av Alan Borvo
februar 03. beaivi 2015

Historjjálaš govvačoakkáldat skeŋkejuvvo Sámi allaskuvlii

Prográmma Sámi álbmotbeaivi 2015 Sámi allaskuvllas

10.00:                        Levgen ja Sámi soga lávlla Diehtosiidda olggobealde

11.15                         Sáhkáskáidi:                                    

  • Rahpansátni: Rektor Jelena Porsanger
  • Sámi arkiivva jođiheaddji Øystein Steinlien
  • Angélina Vinciguerra muitala Alan Borvo ja govvačoakkáldaga birra
  • Kultuvrralaš guoimmuheapmi:  Inger Karoline Gaup
  • Geigenseremoniija ja čájáhusa rahpan, rektor Jelena Porsanger ja Angélina Vinciguerra bokte.

12.00                         Snoahpamuš  Diehtosiidda kantiinnas.

13.30                         Sámi allaskuvlla lágida sárgunbáji mánáide Báktehárjjis. 

           

Historjjálaš govvačoakkáldat skeŋkejuvvo Sámi allaskuvlii.  Govaid čohkkii  fránskalaš antropologa ja kulturentusiásta, Alan Borvo (1933-2002). Govat leat vurkkoduvvon Pariissas 1950-logu rájes.

“Alan háliidii ahte mánáidgovat bohtet ruovttoluotta Sápmái,” - dadjá Angélina Vinciguerra, Alan-rohki eamit, guhte orru Pariissas ja boahtá Guovdageidnui Sámi álbmotbeaivve.

Dán oktavuođas leat Guovdageainnu, Máze ja Kárášjoga mánáidskuvllat bovdejuvvon tevdnet govaid čájálmassii.  Sihke boares govat  ja dálá mánáidgovat čájehuvvojit Diehtosiiddas. Dan maŋŋel govat vurkejuvvojit Sámi arkiivii.

 

Bures boahtin.

 

Viečča prográmma dáppe.