Ole Sámmol Buljo
![](https://samas.no/sites/default/files/styles/hovedbilde/public/received_10160215425210364.jpeg?itok=rb8A7vdf)
2018 lei earenoamáš jahki munnje. Lei dat jahki go ledjen lonohallanstudeanta Alaskas. Lei maid seamma jahki go álgen iežan masterbargguin. Ávžžuhan buohkaid geahččalit mannat olgoriikai lonohallanstudeantan. Lea nu mávssolaš orrut eará guovlluin ja vásihit eará kultuvrraid ja perspektiivvaid.
![](https://samas.no/sites/default/files/styles/hovedbilde/public/govva_1.jpg?itok=8hpDLOqX)
Ole Sámmol bargohárjehallamis Lake Otis mánáidskuvlas
Lean ovdal liikon mátkkoštit, muhto lea juoga áibbas eará orrut eará riikkas guhkit áiggi. Jáhkán dat lea buoremus vuohki oaidnit kulturerohusaid, ja mun dovddan ahte mu máilmmeipmárdus viiddui doppe. Lei maiddái earenoamáš vásihit movt livččii vázzit skuvlla eará riikkas, ja lei duhtadeaddji dovdat čeahpes studeantan sin vuogádagas maiddái.
![](https://samas.no/sites/default/files/styles/hovedbilde/public/2018-03-13_12.14.46.jpg?itok=S_niAbvh)
Návddašeame Alaska luonddu
Sámi allaskuvla ii soaitte leat stuorámus allaskuvla, muhto lea dahkan buori studeanta mus. Lean maiddái giitevaš go ožžon vejolašvuođa mannat lonohallamii, ja go dahke dan maid sáhtte dahkat mu mátkki nu álkin go vejolaš. Sámi allaskuvla ledje maiddái čeahpit heivehit mu skuvlema Norggas nu bures go vejolaš, nu ahte ii šaddan beare olu bargun ovdan go álgen masterbarggu čállit.
Jus háliidat lohkat eambbo Ole Sámmola vásáhusaid birra, son čállii mátkkereivviid Ávvirii dalle, dás beassat lohkat daid.
– Dovddan vásáhusat leat.. Vásiha eksámenáiggi Alaskas Giđđaluopmu Fairbanksas
Hárjánišgoahtán «Alaska-eallimii» Alaskai gazzat oahpu máttuid bálgáid maŋis