Leage oidnosis dutkin
Leage oidnosis dutkin
Lea ávkkálaš sihke dutnje dutkin ja Sámi allaskuvlii ahte du dutkan lea oidnosis. Lassin dasa ahte juohkit iežat dutkama sosiála fierpmádagaid, konfereanssaid ja árbevirolaš mediaid bokte, de sáhtát eaŋkilit dáhkat iežat eanet oainnusin interneahtas.
Ásat akademalaš profiilla(id) ja geavat akademalaš dutkifierpmádagaid.
Ođasmahte iežat personsiiddu Sámi allaskuvlla ruovttusiiddus
Jus muhtun háliida diehtit gii don leat dutkin, son google du ja de gávdná árvideames du personsiiddu allaskuvlla neahttasiidduin. Deike sáhtát bidjat relevánta dieđuid iežat birra dutkin, fágasuorggi, leaŋka Cristinii, leaŋka ORCID:ii., profiilagova jna.
Ođasmahte iežat dutkiprofiilla Cristinis
Ásat ORCID
ORCiD (Open Researcher and Contributor ID) lea internationála standárda dutkii identifiseremii. Du ORCID-identifikáhtor čadno du dutkamii iige institušuvdnii gos leat barggus, ja sáhttáge danne geavahuvvot olles du dutkankarrieara čađa. ORCID lea du sierra dutki-ID ja geahpida earáide identifiseret guđe dutkanbohtosat leat du.
Google Scholar
Google Scholar lea dat eanemus geavahuvvon ohcanbálvalus akademalaš publikašuvnnaide. Jus leat almmuhan akademalaš teavstta, de dat vuordimis lea gávdnamis Google Scholar bokte. Šaddá álkit gávdnat du ja du almmuhemiid jus dus lea Google Scholar-profiila. Das oainnát maid man ole du publikašuvnnat siterejuvvojit ja sáhtát oažžut dieđu juohke háve go du publikašuvdna siterejuvvo.
Mot ásahit profiilla:
- Dus ferte Google-konto. Geavat iežat otná dehe ásat ođđa.
- Mana Google Scholar siidui ja vállje “Min profil”.
- Deavdde ásahusgullevašvuođa: Sámi University of Applied Sciences ja iežat bargo-eboastačujuhusa, vai sáhtát verifiseret ahte leat Sámi allaskuvlla bargi.
- Čále ohcan-/čoavddasániid iežat dutkamii ja leaŋkka iežat dutkiprofiilii Sámi allaskuvlla ruovttusiiddus.
- Registrere publikašuvnnaidat. Google evttoha publikašuvnnaid mat soitet leat du ja maid don de sáhtát duođaštit.
- Fuomáš ahte Google ii soaitte gávdnat sámi bustávaid namain ja tihtteliin. Jus vejolaš, de sáhttá registreret ohcan- ja čoavddasániid maiddái sámi bustávaid haga (omd. dieđalaš / diedalas)
- Jus váilot publikašuvnnat, de registreret daid manuálalaččat.
- Daga profiilla almmolažžan, vai earát gávdnet!
ResearchGate
Ásat ResearchGate-profiilla. Dáppe sáhtát earet eará juohkit ja leŋkket iežat publikašuvnnaide ja dutkandáhtáide. Dáppe oainnat maid man olu du dutkan lohkko (down load) ja siterejuvvo. Dutkit vásihit ahte siterenmat lassánit publikašuvnnain mat juogaduvvojit dákkár profiilla bokte.
Academia
Ásat Academiia-profiilla. Dáppe sáhtát earet eará juohkit ja leŋkket iežat publikašuvnnaide ja dutkandáhtáide. Dáppe oainnat maid man olu du dutkan lohkko (down load) ja siterejuvvo. Dutkit vásihit ahte siterenmat lassánit publikašuvnnain mat juogaduvvojit dákkár profiilla bokte.
Almmut kanálain mat dahket du dutkama oainnusin
Guhte publiserenkanála (áigečála, lágádus jna.) heive buoremusat du dutkamii lea dieđusge árvvoštallama duohken, muhto dát bealit berrejit mielde árvvoštallamis:
- Geavat rabas almmuheami (Open Access). Gávdnojit máŋga vuogi, omd. rabas áigečállagiid dehe rabas girjjiid bokte. Sáhtát maid almmuhit allaskuvlla rabas vuorkká Brage bokte.
- Vállje kanála mii lea dohkkehuvvon (Nivå 1 dehe 2) NSD:a publiserenkanálaregisteris. Jus kanála ii leat dohkkehuvvon, de sáhtát evttohit dan dohko.
