Latest news
- Ikke søkt studier enda? Vi har fremdeles noen ledige studieplasser!
- Ivareta urfolks områder gjennom landskapspraksiser
- Vil du lære tradisjonell vætna?
- Samiske veivisere skal veivise ved en av verdens største kunstutstillinger
- Nettundervisning med samlinger
- Nå kan du søke på studier til høsten
- Matematikk 1P/2P/1P-Y/2P-Y for kommende lærere - frist 1. februar
- Den første høgskolen med alle oppgavene i skyen
- Snart kan du søke på Bachelor i reindrift
![](https://samas.no/sites/default/files/styles/hovedbilde/public/field/image/dscf1342.jpg?itok=JnV6MInr)
Abstrákta dieđiheapmi Sámegiela ja sámi girjjálašvuođa symposiai
Sámi allaskuvla, Oulu universitehta Giellagas-instituhtta, Ubmi universitehta ja UiT Norgga árktalaš universitehta lágidit Sámegiela ja sámi girjjálašvuođa dutkan- ja bagadallansymposia Guovdageainnus Diehtosiiddas 22.–23.9.2021. Mii bovdet buot sámegiela ja sámi girjjálašvuođa dutkiid ja studeanttaid juogadit iežaset dutkama. Symposia lea hybridaseminára ja dasa lea maiddái vejolaš searvat neahta bokte. Áigemearri sáddet abstrávtta lea geassemánu 30. beaivve.
Sámi allaskuvla, Oulu universitehta Giellagas-instituhtta, Ubmi universitehta ja UiT Norgga árktalaš universitehta lágidit Sámegiela ja sámi girjjálašvuođa dutkan- ja bagadallansymposia Guovdageainnus Diehtosiiddas 22.–23.9.2021. Oktasaš sámesymposiat leat lágiduvvon jagi 1993 rájes, ja daid ulbmilin leamaš álggu rájes čohkket sámegiela ja sámi girjjálašvuođa dutkiid ja doavttirgráda- ja masterstudeanttaid iešguđege guovlluin.
Symposia bovdejuvvon logaldallit:
- Ole Henrik Magga / Sámi allaskuvla. Fáttáin Sámegiela dutkan.
- Jane Juuso / Isak Saba Guovddáš. Fáttáin Giellanannema hástalusat.
- Vuokko Hirvonen / Sámi allaskuvla. Fáttáin Sámi njálmmálaš árbevierut girjjálaš dokumeantan: 500-jahkásaš čoaggin- ja dutkanhistorjjá guoran
Abstrákta dieđiheapmi
Symposia sáhkavuorut sáhttet leat buotlágan fáttáin, mat mainna nu lágiin laktásit sámegiela ja sámi girjjálašvuođa dutkamii viiddes mearkkašumis. Sáhkavuoruid guhkkodat lea 20 minuhta ja 10 minuhta ságastallamii. Jus leat juo mannan jagi sádden sisa abstrávtta ja leat ožžon dieđu ahte leat dohkkehuvvon doallat ovdasága, de mii goit dattege háliidit čohkket buot abstrávttaid ođđasis dán jagi. Merke abstráktii, ahte lea sáhka jo dohkkehuvvon abstrávttas.
Sádde ovttasiidosaš čoahkkáigeasu (abstrávtta) maŋimustá geassemánu 30. beaivve 2021 čujuhussii sagi2021@samas.no.
Abstrávttaid áigemearri: gaskavahkku 30.6.2021
Abstrávttaid dohkkeheapmi: vuossárga 2.8.2021
Dieđihanáigemearri: sotnabeaivi 29.8.2021