NSI-njuolggadusat

Sámi allaskuvllas leat ovcci nu gohččoduvvon NSI-doarjjašlája ja sierra njuolggadusat man mielde Dutkan- ja oahppostivra juolluda Davviriikkaid sámi dutkanprográmma ruđa. Ohcanskovvi leverejuvvo dábálaččat Publica bokte, nu go njuolggadusain čilgejuvvo, muhto ohcci sáhttá šiehtadallat Sámi allaskuvlla dutkanhálddahusain jus lea sávaldat eará vuohkái leveret ohcamuša.

Ohcanskovit: 

• Mátkedoarjaga ohcanskovvi
• Almmuhandoarjaga ohcanskovvi
• Lágidandoarjaga ohcanskovvi
• Iežasoasi ohcanskovvi
• Prošeaktadoarjaga ohcanskovvi

Raporterenskovit:

• Mátkedoarjaga raporterenskovvi
• Almmuhandoarjaga raporterenskovvi
• Lágidandoarjaga raporterenskovvi
• Iežasoasi raporterenskovvi
• Prošeaktadoarjaga raporterenskovvi

Vuoruheamit NSI ohcandoarjjaortnegii

Dutkan- ja oahppostivra lea 15.12.2022 ásahan čuovvovaš vuoruhemiid NSI ohcandoarjjaortnegii, man mielde DOS árvvoštallá NSI-ohcamiid. Listu ii čájet vuoruhanortnega.

• Bajimus kvalitehta ohcamat vuoruhuvvojit.
• Almmuhandoarjjaohcamušaid gaskkas vuoruhuvvo bohtosiid vuosttaš almmuheapmi, ii ge omd. jorgaleami almmuheapmi.
• Mátkedoarjjaohcamušaid gaskkas vuoruhuvvo mátki mas áigu vuosttaš háve ovdanbuktit prošeavtta dutkanbohtosiid.
• Almmuheamit sámegillii vuoruhuvvojit dainna go gaskkusteapmi sámi servodahkii lea guovddáš doaibma strategiijas.
• Virgáduvvon fágabargiid ohcamat vuoruhuvvojit ovdal emeritusaid ja emeritaid ohcamušaid.
• Jus dutkis leat leamaš buorit bohtosat almmuhančuoggáid dáfus, de su ohcan berre vuoruhuvvot.
• Ovttaskas dutki dárbbut vuoruhuvvojit ovdalii go olggobealde ruhtaduvvon prošeavttaid iežasoassi.
• Dutkanbohtosiid almmuheapmi ovttas eará ásahusaid dutkiiguin vuoruhuvvo.
• Jus ohccis lea annum-ruhta báhcán mainna lea vejolaš gokčat doaimma, de ohcamuš ii vuoruhuvvo.