Sámi oahpahuskonferánsa 2023
Sámi pedagogalaš jurddašemiid ja oahpaheaddječehppodat oahpahusas ja dutkamis
Skábmamánu 7. - 8 b. 2023
Diehtosiiddas, Guovdageainnus, Norggas
Sámi allaskuvla ja Sámediggi Norgga beale Sámis lágidit gaskariikkalašoahpahuskonferánssa. Ulbmilin lea lonohallat oahpahanvásáhusaid ja buktit oidnosii pedagogalaš jurddašemiid ja oahpaheaddječehppodat oahpahusas ja dutkamis. Go lonohallet ja juhket vásáhusaideaset ja bohtosiid, de lea dát doarjjan ja vuođđun pedagogalaš jurddašemiide, ja sáhttet ávkkástallat oahpahusas sámi mánáidgárddis, skuvllas ja alitoahpahusas.
Konferánssa fáttát leat:
- Sámi oahpahusrámmat; lágat, njuolggadusat, rámmaplánat dahje oahppoplánat mat gusket ja váikkuhit sámi oahpahussii mánáidgárddis, skuvllas, ja alitoahpahusas, omd. árvvoštallama hárrái, mo čađahit árvvoštallama mii nanne oahppama ja bidjat árvosániid mat leat dásseárvosaččat
- Sámi oahpaheaddjeprofešuvdna ja sámegiel árgabeaivi ja oahpahus sámi mánáidgárddis, skuvllas ja alitoahpus
- Dutkan ja ovdánahttinbargu ávkin sámi oahpahuspráksisa mánáidgárddis, skuvllas ja alitoahpus
Mii bovdet mánáidgárdebargiid, -oahpaheddjiid ja -eaiggádiid, vuođđo- ja joatkkaskuvllaid ja alitoahpahusaid oahpaheddjiid ja jođiheddjiid, dutkiid ja studeanttaid, juogadit iežaset dutkama ja oahpahusa.
Konferánsa divat
Konferánssa divat: 1.800 NOK
Sisttisdoallá vejolaš materiála, guossoheapmi ja mállásat.
Konferánsagielat
Konferánsagielat leat sámegiella, eŋgelasgiella, ja davviriikalašgielat. Mii sávvat ahte sámegielat logaldallit geavahit sámegiela. Logaldallamat váldokonferánsalanjas dulkojuvvojit.
Konferánssa áigemearit
Áigemearri buktit/sáddet abstrávtta ja/dahje ovdanbuktima: 23.10.2023 (Ođđa áigemearri)
Áigemearri dieđihit konferánsii: 02.11..2023 (Ođđa áigemearri)
Dieđihanliŋkkat:
Oktavuođadieđut
Jus leat jearaldagat, váldde oktavuođa Ylva Jannok Nuttiin. E-boastta: ylvajn@samas.no
 |
Konferánsa lea ruhtaduvvon Sámedikkis Norggas. |
