Čállinbarggut, mállet ja refererenvuohki

Dáppe gávnnat rávvagiid, word-málliid maid sáhtát atnit go čálát eksámenbargguid, bachelorbarggu, masterbarggu ja doavttirgrádabarggu.  

Čálalaš bargguid málle ja ovdasiidu

Dáid word-málliid sáhtát atnit go čálat eksámenbargguid dahje eará čálalaš bargguid. 

  • Fuomáš ahte dát leat dušše evttohusat movt sáhtát hábmet čálalaš bargguid ja ovdasiiddu.
  • Dárkilit gáibádusat justte du oahpus sáhttet boahtit ovdan eksámenbihtás dahje sensorláidehusas.

Dán málle sáhtát adnit go čálligoađát barggu: 

Čálalaš bargguid málle evttohus (206.94 KB)

 

Dán ovdasiiddu sáhtát liibmet sisa čálalaš bargui maid leat juo čállán:

Čálalaš bargguide ovdasiido málle evttohus (205.42 KB)
Written assignement front page (1.24 MB)
Masterbarggu láidehus ja málle 

Masterbarggu málle sámegillii

Masterbarggu málle eaŋgalasgillii

Masterbargui lea hábmejuvvon sierra láidehus ja málle Sámi dieđalaš áigečállaga mála vuođul.  

  • Rávvagat heivejit maiddái eará čállosiidda go masterbargguide. 

Dás leat rávvagat:

  • sáme- ja eŋgelasgiel čoahkkáigeasu ja ovdasáni čállima birra.  

  • sisdoallolistu hápmái 

  • teavstta hábmemii (nuppi kapihttalis) 

  • gáldočujuhusaid merkemii (goalmmát kapihttalis) 

  • giellageavaheapmái (njealját kapihttalis) 

Doavttergrádabarggu málle 

 

Fonttat ja refererenvuohki 

Jus eksámenvástádussii leat formála gáibádusat, nu movt dihto fonttat ja refererenvuohki, de dat galget boahtit ovdan eksámenbihtás ja/dahje almmuhuvvon sensorláidehusas. 

  • Jus eksámenbihtás ja/dahje almmuhuvvon sensorláidehusas eai boađe ovdan formála gáibádusat oažžu studeanta dábálaččat ieš válljet. 
  • Gulahala iežat oahppokoordináhtoriin jus leat eahpesihkar. 

Jus eará ii boađe ovdan, de lea dábálaš atnit dán formaterema: 

  • Čálatiipa: Times New Roman 
  • Čálasturrodat: 12 
  • Linnjágaska: 1,5
  • Buot ravddat: 2 cm
Čállinbargguid guhkkodat 

Sámi allaskuvlla čálalaš eksámeniin lea dábáleamos ahte čuožžu galle siiddu eksámenvástádus galgá leat. Muhtin eksámeniin lea fas almmuhuvvon galle sáni, čuoggá/mearkka eksámenvástádus galget leat.   

  • Jus eará ii čuoččo oahppoplánas, eksámenbihtás dahje almmuhuvvon sensorláidehusas, de it galgga siido-, sátne- dahje mearkalohkui rehkenastit ovdasiiddu, sisdoalločilgehusa ja gáldolistu. 
  • Fuomáš ahte go WISEFlowas čáđahat skuvlaeksámena, das it oainne galle siiddu, sáni dahje čuoggá/mearkka leat čállán.