Ođđasat
- Sámi ofelaččat servet láidesteaddjin stuorra dáiddačájáhussii
- Oahpaheaddjeoahput: Laura Njunnás
- Boazoealáhus bachelor: Ann Máret Eira
- Sámegiella ja sámi girjjálašvuohta: Márjá-Kristin Skum
- Oahpaheaddjeoahput: Elena Skum
- Kvalitehtaovdánahttin skuvllas - lávdegoddi nammaduvvon
- Circle of Honours bálkkašupmi golmma sámi dutkái
- Ođđa dieđalaš girji soabadan ja duohtavuođa kommišuvnnaid birra
- Rabasbeaivi 2022
miessemánu 25. beaivi 2023
Ruvdnaprinseassa boahtá Sámi allaskuvlii
Miessemánu 31. b. boahtá H.K.H. Ruvdnaprinseassa Mette-Marit Sámi allaskuvlii, Guovdageidnui. Dán oktavuođas ávžžuhit buohkaid coggat gávtti, nu ahte Diehtosiiddas oidnojit ollu gávttehasat.
Ruvdnaprinseassa šattai buohcci cuoŋománus go Ruvdnaprinsa finai Sámi allaskuvllas ja ii beassan dalle searvat guossástallamii. Dán geažil boahtá dál Sámi allaskuvlii guossái. Ulbmil mátkkis lea loktet gelbbolašvuođa ja ipmárdus sámi árbbi birra, ja fuomášuhttet ruvdnaprinsapára 50-jagi ávvudeami.
Vuostáiváldin dáhpáhuvvá boađáhagas dii. 10.00, ja dán dilálašvuhtii bovdet buot Diehtosiidda bargiid.