BUOLVVAS BULVII Fágaseminára

Disdaga skábmamánu 24. b. dii. 12-15.30 

Diehtosiida, Sáhkaskáidi

dii. 12.00 -13.40

Jan Henry Keskitalo

Didaktihkka viidát ipmárdusas, makkár hástalusat sámeskuvlii?

dii. 13.50 -15.30

Aimo Aikio

Olmmošhan gal birge

Buresboahtin rabas fágaseminárii disdaga 24.11.2015 dii 12-15.30. Logaldallit leat Jan Henry Keskitalo ja Aimo Aikio. Fágaseminára lea  goalmmát rábas seminára ’Buolvvas bulvii- semináraráiddus. Ulbmilin lea čalmmustahttit Sámi allaskuvlla jávohis máhtu buolvvas bulvii ja sirdit dáid dieđuid maiddái min studeanttaide. Fágalaš sisdoallun leat iešguhtege fáttát nugo dán vuoro lea sáhka skuvlaovdánahttimis.

Doseanta emeritus Jan Henry Keskitalo lea Sámi allaskuvla láidesteaddji ja gudnedoavttirin WINU, World Indigenous Nations University. Keskitalo lei Sámi allaskuvlla vuosttas rektor, ja son lea áŋgiruššan sámi oahpahusain sihke Sámis ja eamiálbmot ja riikkaidgaskasaš dásis. Jan Henry Keskitalo lea bidjan ollu searaid WINHECII, ja oažžut áigái WINU. Winhec lea World Indigenous Nations Higher Education Consortium. Jan Henry pedagogalaš dutkanberoštupmi le davviguovlluid álgoálbmogiid skuvlenáššit.

Pedagogihka lisensiáhtta Aimo Aikio lea guhkit áigge oahpahan Sámi allaskuvllas sámegielat oahpaheaddjestudeanttaide pedagogihkkafága. Son lea čálán fágagirjjiid, omd. “Olmmošhan gal birge: áššit mat ovddidit birgema” ja  “Olbmo ovdáneapmi”. Girjjit leat lohkanmeriid oahpaheaddjeoahpus,.  Sámi allaskuvlla 25 jagi ávvudeami oktavuođas geigii son juohke oahpaheaddjeoahpuid studeanttaid oktii skeaŋkan iežas čállán girjji “Olbmo ovdáneapmi”.  Son ávžžuhii studeanttaid áŋgirit dikšut eatnigielaset, njuovžilis sámegiela doalahit ja fágagiela ovddidit.