Mot čállit teavsttaid ja bargguid
Mot čállit teavsttaid ja bargguid
Dát leat oppalaš rávvagat mo fágalaš teavsttaid galgá čállit. Oahpaheaddjit/bagadallit iešguđet kurssain/oahpuin sáhttet bidjat erenoamáš gáibádusaid mat spiehkastit rávvagiin mat dáin siidduin bohtet ovdan. Danin fertet álo gulahallat oahpaheaddjiin/bagadalliin.
Loga eanet das mo barggu galgá čállit.
Mot čállit
Dát leat oppalaš rávvagat mo fágalaš teavsttaid galgá čállit. Muitte: Oahpaheaddjit/bagadallit iešguđet kurssain/oahpuin sáhttet bidjat erenoamáš gáibádusaid mat spiehkastit rávvagiin mat dáin siidduin bohtet ovdan. Danin fertet álo gulahallat oahpaheaddjiin/bagadalliin.
Teakstameannudanprográmmat (Word jna.) lea buorre veahkkin čállinbarggus. Word:s leat omd. stávendárkkisteapmái, sisdoallolisttuid ráhkadeapmái jna.
Fáddá, čuolbmačilgehus ja bargobihttateaksta
- Studeantta berre álo lohkat fáttá/čuolbmačilgehusa/bargobihttáteavstta bures, ja fáhtet ja dárkilit čilget dan bargobihtás.
- Dávjá lea juo das implisihta, mearriduvvon disposišuvdna mo dat fágalaš teaksta galgá čállot.
Teakstaoasi ráhkadus (Oppalaš bagadus)
Álggahus (ca. 10%)
- Fáttá válljema, čuolbmačilgehusa ovdanbuktin, dulkon ja fáttá dárkkisteapmi
- Fáttá válljen; čilgehus (jus beassá válljet fáttá)
- Čilgehus ja ákkastallan mo bargobihttá lea hábmejuvvon ja vástiduvvo
- Čilgehus bargobihtá huksehusa ja progrešuvnna birra
- Doahpagiid defineren/čilgehusat dárbbu mielde
Váldodeaksta (ca. 80%)
- Dás galgá vástidit fáttá, čuolbmačilgehusa dahje bargobihtá
- Čilgehus girjjálašvuhtii ja gálduid maid geavahuvvojit
- Čilgehus ja ákkastallan makkár guorahallanbarggu geavahuvvo, ja mot bargo
- Čilgehus analyseremii, mat leat guorahallama gávdnosat/bohtosat. Dát addet vuođu konklušuvdnii
Loahpaheapmi (ca. 10%)
- Čilgehus gávdnosiid/bohtosiid/konklušuvnna/loahppajurdagiid birra (“vástádus masa lea boahtán”)
- Digaštallan gávdnosiid/bohtosiid/loahppajurdagiid birra (vejolaččat molssaevttolaš dulkomat)
- Perspektiivvas váikkuhusa/konsekveanssat gávdnosiin/bohtosiin – loahppajurdagat
Oanehis ja guhkes teavsttat
- Mađe guhkit teakstaoassi bistá, dađe stuorát dárbu lea juohkit teavstta teakstaosiide, bajilčállagiidda ja kapihttaliidda.
- Oanehis teavsttat (ca. 1-10 siiddu) sáhttet leat notáhtat, johtočállosat, memosat, smávit bargobihtát jna. Dat dábálaččat juhkkojuvvojit teakstaoassái dahje bajilčállosiidda ja vuolitdási bajilčállosiidda.
- Guhkit teavsttat (badjel s. 10 siiddu) sáhttet leat raporttat, nákkosgirjjit, girjjit, stuorát bargobihtát jna. Dat juhkkojuvvojit dábálaččat (lassin teakstaoassái) máŋgga kapihttaliidda áinnas váldokapihttaliiguin ja vuolitkapihttaliiguin.
- Váldde álo oktavuođa oahpaheaddjiin/bagadalliin jus leat erenoamáš gáibádusat fáttás/fágas.
Ovdasiidu
Buot stuorát fágalaš teavsttain galgá leat standardiserejuvvon ovdasiidu. Allaskuvlla bargobihttámálle.
Ovdasiiddus galgá leat:
- Čálli (id) namma, sihke ovdanamma ja goarggu namma, alfabehtalaš ortnegis goarggu maŋis
- Fágalaš teavstta oanehis ja dárkilis namma
- Fágalaš teavstta tiipa, oahppu, jahkeceahkki, fága
- Almmuheaddji/oahppoásahusa namma
- Báiki ja jahki goas fágalaš teaksta lea almmuhuvvon/sisa addon
Ovdasiiddus eai galgga leat:
- Guhkes cealkagat dahje čuolbmačilgehusat namahusas
- Liige govat (tabeallat, govvosat, govat, kárttat jna.) – dárkkis dán iežat oahpadeddjiin/bagadalliin
Ovdasátni
- Geavahuvvo dušše stuorra bargobihtáin
- Gálgá leat oanehaš (eanemusat 1 siidu)
- Galgá sisttisdoallat dieđuid mat lunddolaččat eai gula váldotekstii
- Oanehaččat prošeavtta duogáža birra ja olahusjoavkku birra
- Namma ja vejolaččat giitosánit bagadalliide, ja sáhttá maid jus háliida namuhit eará olbmuid dahje ásahusaid geat leat veahkehan čálli (id)
Čoahkkáigeassu
- Geavahuvvo dušše stuorát bargobihtáin
- Galgá leat oanehaš (eanemus 1 siidu)
- Oanehis čoahkkáigeassu fágalaš teavstta váldosisdoalus
- Galgá leat vejolaš ipmirdit beroškeahttá leago lohkan olles fágateavstta
- Vaikko čállá sámegillii, de sáhttá muhtimin leat sávahahtti čállit čoahkkáigeasu sihke sámegillii ja omd. dárogillii dahje eaŋgalsgillii (vejolaččat eará gillii), erenoamážit guhkit bargguin.
- Sáhttá sisttisdoallat čoavddasániid
Sisdoallolistu
- Geavahuvvo dušše stuorát bargobihtáin
- Listu buot bajilčállagiin ja kapihttaliin, siidduin čujuhusat
- Lea ávžžuhahtti ráhkadit sisdoallolisttuid (omd. Word:s) dahje eará teakstameannudanprográmmain go čállá stuorát bargguid
- Bajilčállagat ja vuolleteavsttat unnit teavsttain eai berrešii nummirastojuvvot (árvvoštala ieš)
- Kapihttaliid ja vuolleteavsttaid stuorát teavsttain berre nummirastit
- Vuolleteavsttat main leat eambbo go golbma dási berre garvit, omd. 1.2.3.4 jna.
- Smávit bargguin sáhttá buot bajilčállagiid teakstaoasis, garvit jos háliida, dušše sirdá teavstta álgima siskelis jna.
- Galle bajilčállaga/vuolitčállaga ja kapihttaliid/vuolitkapihttaliid galgá ráhkadit, ferte geahččat teavstta guhkkodaga ektui
Govus-/tabeallalistu
- Geavahuvvo dušše dárbbu ektui ja stuorát bargguid oktavuođas
- Govus- ja tabeallalistu mas siidočujuhus buot govaide ja tabeallaide teavsttas
- Lea ávkkálaš ráhkadit govus-/tabeallaluohkáid (Word:a sierra vuogádagas) dahje eará teakstameannudanprográmmas stuorát bargguid čálidettiin.
- Geavat bajilčállaga omd. Govuslisttu dahje Tabeallalistu
Se Kildekompassets FAQ om bilder, tabeller eller figurer i teksten.
Referánsalistu/Gáldolistu
- Allaskuvllas geavahit dábálaččat Aigecala, APA ja Harvard standárddaid referánsastiilan
- Bagadusain (liŋkkat) čilgejuvvo movt čállit referánsalisttuid/gáldolisttuid dáid standárddaid mielde
Mildosat
- Dás čájehuvvojit dárbbašlaš dieđut maid ii leat lunddolaš bidjat njuolga tekstii.
- Mildosat sáhttet leat vuođđomateriálaide čilgehusat, omd. jearahallanskovit, jearahallanbagadusat, tabeallat, erenoamáš statistihkalaš iskosat, kopiija reivvestallamis jna.
- Buot mildosat nummárastojuvvojit dađistaga (earret jus lea dušše okta mielddus) ja daidda addo namahus (bajilčála) mii biddjo mildosii bajimussii;
- - Ovdamearka: 1. Mielddus: Reive Sámi allaskuvlii, 2. Mielddus: Prošeaktačilgehus
- Mildosat čállojuvvojit mildosiid sisdoallolistui nummáriid ja mildosa namahusa mielde
Notat (mearkkašumit)
- Notat geavahuvvojit čiekŋudit dahje čilget juoga teavsttas.
- Notat leat juogo siidduid vuolimusas (juolgenotat) dahje teavstta maŋimus siiddus (loahppanotat).
- Geavat juogo juolgenotaid dahje loahppanotaid, ale geavat goappašagaid.
- Notat nummarastojuvvojit dađistaga.
- Notaid sáhttá ráhkadit Word dahje eará teakstameannudanprográmmas. Word-video notaid birra.
- Notat berrejit čállot smávvábut go váldočálus, omd. 10 čuoggá (go váldoteavsttas lea sturrodat 12), ja sáhttá addit unnit linnjágaskka (omd. eaŋkilgaskka) go váldoteavsttas (dábálaččat 1,5 linjagaskka).
Bargobihttáčállinmála
Sámi allaskuvla lea ráhkadan Word-mála maid sáhtát geavahit go čálát bargobihtáid.
Málle
