Liige stivračoahkkin./ Ekstraordinært styremøte.
Hva skjer:
Studentombudet besøker Diehtosiida
Vårt studentombud Torill Varberg er i Kautokeino 09.-11.09.24.
IndigMEC2 konferanse
Konferansens fokus: Utvikling av læreplaner for urfolk – Utvikling av urfolkfags
Kinoeahket: Sámi filmmat
SÁMI ALLASKUVLLA KINOEAHKET - RABAS BUOHKAIDE - NUVTTÁ SISABEASSAN
Fuomáš! Korona eastadeami geažil, de mii fertet registreret buohkaid, eai ge čága vaikko man ollu olbmot. Danin - boađe buori áiggis ovdal go filbma álgá!
Internašunála Sámi Filbmainstituhtta čájeha sámi oanehisfilmmaid oassin Sámi Allaskuvlla rahpanvahku. Buot filmmain lea teksten eŋgelasgillii.
Gumpe
Sápmi/Norga, 2018, 4 min
Bagadalli: Ken Are Bongo
Giella: Davvisámegiella; tekst. eaŋgalasgiella
Davvin muhtun boazosámit ealloravddás, čohkkohallá áhčči nieiddainis lávus ja návddaša eallima. Fáhkka gullosta jietna, skohterjietna mii lahkonaddá. Áhčči ráhkkanahttá nieddas dasa mii sáhttá geavvat.
Sámiin leat rievttit
Sápmi/Norga, 2018, 4 min
Bagadalli: Elle Márjá Eira & Mai-Lis Eira
Giella: Davvisámegiella; tekst. eaŋgalasgiella
Sámiin leat rievttit lea golbma-oassásaš muitalus Norgga heahpadis.
Covida buriid ja bahás beivviid
Sápmi/Norga, 2020, 5 min
Bagadalli: Sara Margrethe Oskal
Giella: Davvisámegiella; tekst. eaŋgalasgiella
Humoristtalaš filmmažis Covida buriid ja bahás beivviid oaidnit mo dávdanjoammuma hehttema vehkiin sáhttá heaitalit go dovddut leat áigá juo nohkan. Covida buriid ja bahás beivviid lea buvttaduvvon oassin ISFI digitála filbmaráiddoža “Oru lea buoret go jođi”, mii almmuhuvvui geassemánus Sapmifilm-rávdnjenbálvalusas.
Aquarium
Sápmi/Norga, 2016, 13min
Bagadalli: Yvonne Thomassen
Giella: Davvisámegiella, arabiagiella; tekst. eaŋgalasgiella
Filbma muitala Amir-nammasaš mánás, guhte lea galbmon dálkkis ja gávdná viesu gosa mannat liekkadallat - ja fáhkka gávdno vuordámeahttun šaldi dálá áiggis dološ áigái.
Ribadit
Sápmi/Norga, 2019, 9 min.
Bagadallan / Buvttadan: Elle Sofe Sara
Giella: Davvisámegiella, tekst. eaŋgalasgiella
Guokte boarrasut sápmelačča láidesteaba sámenuoraid boares soagŋomeanuid, ribadeami, suollemasvuođaide.
Njuokčamat
Sápmi/Norway, 2019
Bagadalli: Marja Bål Nango & Ingir Bål
Bohcco njuokčama geahči doallá sisttis buot giellásiid ja danne ii oktage galgga borrat njuokčamiid geaži. Son, gii borrá geaži, sus šaddá gielisteaddji. Duoddaris lea borga, nissonolmmoš lea guođoheamen ealu go almmái boahtá ja veagalváldá guođoheaddji. Nissonolbmo oabbá dovdá juogá lea boastot ja vuolgá ohcat oappás. Balu ja moivvi siste, oappažagat ovttas dáistaleaba ja mávssiheaba boasttuvuođaid.