Latest news
- Studieavgift for internasjonale studenter
- Timeplaner og oversikt over samlinger for høsten 2023
- Liv Inger Somby valgt som ny rektor
- Kronprinsparet besøker Samisk høyskole
- Sannhets- og forsoningskommisjonens høring
- Veiviserordningen har ny søknadsfrist
- Bli student i høst!
- SáMOS konferanse "Unna olbmožiid dihtii" - utvidet påmeldingsfrist
- Sámi allaskuvla kondolerer
![Diehtosiida Bilde av Diehtosiida](https://samas.no/sites/default/files/styles/hovedbilde/public/img_3704.jpg?itok=wR_Qi6TD)
Mii lágiidat válgadigaštallama borgemánus
Beroštat go sámepolitihkas ja háliidat go gullat maid njunuš sámepolitihkkárat oaivvildit? Jos juo, de boađe fal Diehtosiidii, Guovdageainnus duorastaga borgemánu 24. beaivvi dii 18.00. Dalle bovdet mii njunuš sámepolitihkkáriid válgadigaštallamii. Dát digaštallan lea rabas, olbmot sáhttet searvat min válgamárkaniidda.
Dán čavčča lea sihke stuorradikki ja sámedikki válga ja mii dás Sámi allaskuvllas háliidat leat mielde servodatáššiin.
Mii háliidat ahte sihke min studeanttat, bargit ja eará berošteaddjit sihke ohppet ja beroštit politihkas ja danne lágiidat paneladigaštallama borgemánu 24. beaivve veaigin dás Sámi allaskuvllas.
Mii streamet dán ja bovdet njunuš politihkkáriid deike Diehtosiidii ja danne livččii hui miellagiddevaš ja dehálaš ahte ollugat bohtet min doaluide go sáhttet jearrat gažaldagaid njuolgga politihkkáriin. Boađe válgadeaivvadeapmái, doppe gulat maid politihkkárat leat olahan maŋimuš áigodagas ja makkár lohpádusat sis leat jos dahje go besset Sámediggái! Vibeke Larsen, Aili Keskitalo, Inger Eline Eriksen Fjellgren, Ellen Inga O. Hætta ja máŋggas earát bohtet dán digaštallamii. Dát maid gullo Guovdageainnu lagašrádios.
Mis leat golbma fáttá, nuorat, oahppu ja boahtteáigge vejolašvuođat Sámis!
Sámedigge- ja Stuorradiggeválggat leat 11.09.17.