Latest news
- Jobber du som tolk eller har du interesse i å jobbe som tolk?
- Utvikling av nye undervisningstilbud med 3D-teknologi
- Vertssamarbeid mellom Samisk høgskole og Kautokeino kommune
- Samisk utdanningskonferanse: nye frister
- Min birrasat konferanse er åpnet for påmelding
- Samers helseforhold
- Oahppu ii deatte (utdanning tynger ikke) podkast - ny episode hver uke
- Samisk kulturarvs plass i forhold til globale utfordringer
- Studieprogrammer høsten 2024
![Sámi beakkálmasat rabasbeaivvis Bilde av blandt andre Heaika Hætta, Ailo Valle, Roger Ludvigsen og Sofia Jannok.](https://samas.no/sites/default/files/styles/hovedbilde/public/field/image/p1010270.jpg?itok=u1ZrEsaA)
Lihkostuvvan rabasbeaivi
Eai lean dušše sámi beakkálmasat čoahkkánan Sámi allaskuvlla rabasbeaivái.
Doaluide ledje maiddái olu joaktaskuvlaoahppit boahtán, muhtumat gitta Sámi oahpahusguovddážis Anáris. Sámi allaskuvla attii vejolašvuođa buohkaide geahččat njuolggosáddaga rabasbeaivvis neahta bokte. Geahččit besse neahttasáddaga bokte vásihit veháš mii dáhpahuvai odne Sámi allaskuvllas. Áilu Valle doalái konseartta ja dan ovdal lei son ráhkadan Sámi allaskuvlla gudnin áibbas ođđa lávlaga.
Lihkostuvvan
Sámi allaskuvlla rektor Gunvor Guttorm lea hui movttet go rabasbeaivi lihkostuvai bures.
- Nu somá go olu skuvlanuorat ja muđuige olbmot márkanis ledje boahtán deaivvadit minguin dáppe Sámi allaskuvllas, dadjá Guttorm. Sii leat beassan oaidnit min oahppofálaldagaid ja maiddái deaivat min fágaolbmuin, loahpaha rektor Gunvor Guttorm.
Gilvvut
Ovtta beavddis ledje duojit. Doppe lei Sámi allaskuvlla oahpaheaddji ja dáiddačeahppi Britta Marakatt-Labba lágidan "duodje battle". Battle boahtá eaŋgalasgiela gilvu sánis. Jurdda das lei golmma minuvtta sistte bárgidit dehe ruvdet guhkimus bátti. Okta oasseváldi lei Guovdageainnu suohkana sátnejođiheaddji Johan Vasara, guhte gilvalii Sámi allaskuvlla bargi Ingá Biret Sara vuosttá. Eará beavddis fas nu gohčoduvvon kahoot, mii lea gažaldatgilvu heivehuvvon app'an. Sámi ofelaččain ledje maiddái gažaldagat quiza hámis.
Diehtosiidda visttis, Guovdageainnus leat máŋga ásahusa earágo Sámi allaskuvla. Rabas beaivvis besse maiddái sii čájehit fálaldagaid. Sis-Finnmárkku studeanttaid ovttastusa (SSO) beavddis oinniimet makkár fálaldagat sis lea, nugo ee. činu, ássodagat, mánáidgárde sajit jnv. Norgga Sámedikki beavddis ávžžuhedje čálihit iežaset Sámi jienastuslohkui.
![Rabas beaivvis 2017. Viiddis govva. Bilde fra kantina på åpen dag.](https://samas.no/sites/default/files/styles/hovedbilde/public/16797139_10154748143236141_8504509436239282176_n.jpg?itok=hmYPFBFz)
Govven: Tim Valio
Sámi allaskuvlla neahtta-TV sáddagat rabasbeaivvi dilálašvuođas gávnnat min Facebook-siiddus.