Ođđasat
- Rabas oahpposajit vuođđoskuvlaoahpaheaddjeoahpus- oza ovdal 01.09.24!
- Oahput maidda sáhttá ohcat 01.09.24 rádjai
- Orrut, boradit ja mánáid fuoláhit go leat studeanta
- Sisabeassangáibádusat oahpaheaddjeoahpuide leat ložžejuvvon
- It leat vel ohcan oahpposaji čakčii? Mii leat guhkidan ohcanáigemeari!
- Guhtta ođđa sámi ofelačča
- Áiggošit go lonuhit vuoruheami oahpposaji ohcamis?
- Oahppojagi loahpaheapmi
- IndigMEC2 konferánsii lea dieđiheapmi rabas
![](https://samas.no/sites/default/files/styles/hovedbilde/public/field/image/sami_oahpahuskonferanssa.png?itok=eGx4yTDn)
Dál lea vejolaš dieđihit neahttaoasseváldin Sámi oahpahuskonferánsii
Golggotmánu 5.b. gitta 7.b . lágiduvvo Sámi oahpahuskonferánsa Sámi allaskuvllas, Guovdageainnus, ja neahta bokte. Dál ii leat šat vejolašvuohta dieđihit fysalaš oassálastimii go leat dievvan sajit, muhto lea ain vejolaš dieđihit neahttaoassálastimii.
Sámi allaskuvla ja Norgga Sámediggi lágidit gaskariikkalaš oahpahuskonferánssa Sámedikki prošeavtta Sámi mánát ođđa searvelanjas (SáMOS-prošeavtta) olis. Konferánssa ulbmilin lea beassat lonohallat eamiálbmogiid oahpahanvásáhusaid ja buktit oidnosii sámi mánáidgárddiid, skuvllaid ja alitoahpahusa, ja maid internationála eamiálbmotoahpahusa, vásáhusaid ja muitalusaid.
Visot logaldallamiid Sáhkaskáiddis beassá geahččat neahta bokte, ja muhtun oasi bálddalas sešuvnnain. Geahča prográmma dáppe.
Dieđiheapmi
Konferánsa heive sidjiide geat barget mánáidgárddis, vuođđoskuvllas, dutkamin ja alitoahpahusas ja muđui heive maid studeanttaide. Konferánsagielat leat sámegiella, eŋgelasgiella ja davviriikalašgielat. Logaldallamat váldokonferánsalanjas dulkojuvvojit.
Dieđihanliŋkka: https://www.deltager.no/samok2021
Konferánssa neahttasiidu.