Dáhpáhusat:
Paintball studeanttaide
LEAT GO GEARGGUS SPEALLAT PAINTBALL?
Studeantaáittardeaddji Diehtosiiddas
Min studeantaáittardeaddji Torill Varberg lea Guovdageainnus 09.-11.09.24.
Dutkančuolmmat
Doavttergrádastudeanttat ovdanbuktet dutkančuolmmaid Sámi allaskuvllas.
Giellaealáskahttin
Bargobájit Unjárgga gielddas: Giellaealáskahttin gullevaš doaimmat
Almmolaš rahpandoalut ja konsearta
Sámi allaskuvla rahppo almmolaččat. Prográmmas leat sáhkavuorut, dearvvuođat ja guoimmuheapmi Sáhkaskáiddi, Diehtosiidda auditorias. Gusside guossohuvvo lunša. Konsearta lágiduvvo ovttas Sámi musihkkafestiválain. Sáhtát maiddái searvat ZOOM neahttaoktavuođa bokte. Zoom: https://samas.zoom.us/j/66893904648
![](https://samas.no/sites/default/files/styles/hovedbilde/public/almmolas_rahpandoalut_sam._2021.jpg?itok=Ht_DHdkS)
Almmolaš rahpandoalu prográmma oahppojagi 21/22. Govven: Ánne Kátjá Gaup/Johtti Productions
ARTTISTAT
MÁHTTE ÁNTE J. SARA
Badjel 85.000 olbmo gehčče Sámi Grand Prix TV:s beassášlávvordaga dán jagi go nuorra Guovdageaidnulaš, Máhtte Ánte J. Sara jienastuvvui juoiganoasi vuoitin. Sutnje bođii eamida Karen Marianne luohti millii go leigga ráhkkaneame heajaid doallat. Luohti ja juoigan lea álo leamaš Máhtte Ánttii váimmu lahka, ja dat dovdo vel go juoigangiehta šleŋggohallá juoiggadettiin nu lunddolaččat
INNA MARJA AMUNDSEN
Inna Marja Amundsen lea nuorra márkosámi nieida gean fámolaš jiena doaivumis beassat olu gullat boahttevaš áiggi. Son lea leamaš mielde Idolas, ja giđđat almmuhii son su vuosttaš coverlávlaga “Elle”. Dát čeahpes nieida oassálastá dál Sámi musihkkafestivála prošeavttas SGP Cover, mas nuorra artisttat ođastit lávlagiid ja luđiid mat ledje mielde Sámi Grand Prixas gaskal jagiid 1990 ja 2000. Inna Marja almmuhii suoidnemánu loahpas coverlávlaga “Jáddá go beaivi” ovttas DJ Ailloin. Dainna vuittii Marit Hætta Øverli Sámi Grand Prix jagis 1991
Artistta govaid lea govven Per Heimly.