UiT Norgga árktalaš universitehta sámi buohccedivššároahpu vuosttaš studeantajoavku geargá oahpuin 2024 čavčča, ja loahpahandoalut leat Diehtosiidda, Sáhkaskáiddis disdaga 26.11 dii 12.00-14.00.
Giellavahkku
21. golggotmánu, 12:00 - 12:30
Lunšakonsearta Inger Gaup
Inger Gaupa doallá konseartta Giellavahkku oktavuođas maid Sámi allaskuvla ja Sámediggi lágideaba. Konsearta lea Diehtosiidda kantiinnas ja lea rabas buohkaide.
Lávlu ja lávllačálli Inger Gaup lea Guovdageainnus eret. Vaikko lea ge nuorra artista, de lea son bargan musihkain 2006 rájes. Son lea oasálasten Sámi Grand Prixii golmma geardde lávlunoasis ja lea vuoittán guovtte geardde. Son lea maiddái leamašan olu skearruin mielde, earret eará iežas skearruin “Sweet Love”, mii almmuhuvvui 2015s. Su mielas lea dehálaš gáhttet sámegiela ja su lávlagiid bokte čalmmustahttet sániid mat leat láhppomiin.
Konseartta lea maiddái vejolaš geahččat neahta bokte Sámi allaskuvlla facebooka siiddus.
Liŋkka konsertii: https://www.facebook.com/events/1001860326966992
Fuom!
Koronaeastadeami dihte leat ráddjejuvvon sájit Diehtosiidda kantiinnas. Boađe buori áiggis ovdal álgima vuoi mii beassat registreret du nama listui. Bivdit din doallat njoammuneastadannjuolggadusaid:
• Doallat gaskka eará joavkkuide.
• Leahkit dárkil giehtahygienain.
• Ii galgga boahtit Diehtosiidii jus leat buohcci dahje nuorvolágan dávdamearkkat.
