FUOM! Knut Leema čálus sámiid ja sin eallinvuogi birra mii almmuhuvvui 1767:s gohtalaš čállinvuohkái, almmhuvvo dálá čállinvuohkái. Álmmuheapmi lea maŋiduvvon ođđajágimánnui 2025.
30-jagi ávvodoalut
31. borgemánu, 21:00 - 01. čakčamánu, 03:30
Studeantafeasta // Ivan Buljo ja Sámi Grand Prix Cover
Dán jagi ávvudit mii ahte Sámi allaskuvla lea 30-jagi, ja dán oktavuođas doallat mii studeantafeasta 31 b. borgemánus. Konsearttas čuojaha Ivan Buljo ja Sámi Grand Prix Cover. Dát lea rabas sihke studeanttaide ja earáide geat háliidit suohtastallat.
Ivan Buljo:
Ivan Buljo seaguha ođđaáigásaš elektrovnnalaš musihka luđiin. Boađusin lea áibbas iežas jietnagovva mii lea bures heivehuvvon dánsenláhttái. Ovttastahttin dahká šaldi gaskal dološ árbbis ja Tropical House, ja oahpásmahttá ođđa ja boares guldaleddjiid guđet guoibmáseaset
Sámi Grand Prix Cover:
Golbma nuorra musihkkabuvttadeaddjit ja njeallje nuorra artista leat ráhkadan cover veršuvnnaid Sámi Grand Prix lávlagiin ja luđiin mat ledje mielde jagiid 1990-2000. Dát joavku čuojahii vuosttáš geardde guhkesbearjadaga Sámi Musihkkafestiválas Báktehárjjis. Dá lea konsearta maid it hálit massit go Sámi Grand Prix klassihkkáriid ožžot ođđaáigásaš šuoŋaid.
Bileahtaid beassá oastit uvssas.
Bileahttahaddi: 300 ruvnno
Studeanttaide: 200 ruvnno
Ahkemearri: 18
