UiT Norgga árktalaš universitehta sámi buohccedivššároahpu vuosttaš studeantajoavku geargá oahpuin 2024 čavčča, ja loahpahandoalut leat Diehtosiidda, Sáhkaskáiddis disdaga 26.11 dii 12.00-14.00.
Girjealmmoheapmi
19. golggotmánu, 13:00 - 14:00
Ođđa girji luohtegildosa birra almmohuvvo
Girjealmmuheapmi Diehtosiiddas
Davvi Girji almmuha girjji juoigangildosa birra man Ola Graff, Romssa Museas lea čállán.
Girjji birra:
1953:s ásahii Guovdageainnu skuvlastivra juoigangildosa skuvlii. 1976:s, dan áigge go sámevuohta beaggigođii, čavgii skuvlastivra gildosa. Gielddus, man sámi suohkana, Guovdageainnu, sápmelaš skuvlastivra mearridii ovtta dain dovdoseamos sámi kulturovdanbuktimiid ektui, lea olusiidda leamaš áddemeahttun. Skuvlastivra ii leat goassige rievdadan mearrádusa.
Dát lea muitalus das mo guottut váiduduvvojit, ja mo ođđa guottut šaddet. Lea muitalus áššiin sihke sámi servodaga siskkobealde ja stuorraservodaga ja minoritehtakultuvrra gaskavuođain.
Juoigangielddus lea dál hávdáduvvon oalát. Olu lea dáhpáhuvvan daid jagiid rájes go gielddus ásahuvvui 1953:s. Luođis lea dál dohkkeheapmi ja stáhtus mii lea ereliiggán historjjás. Vuosttaš geardde muitaluvvo olles muitalus juoigangildosa birra.
davvi.no
