FUOM! Knut Leema čálus sámiid ja sin eallinvuogi birra mii almmuhuvvui 1767:s gohtalaš čállinvuohkái, almmhuvvo dálá čállinvuohkái. Álmmuheapmi lea maŋiduvvon ođđajágimánnui 2025.
Almmolaš doalut
26. čakčamánu, 12:00 - 30. čakčamánu, 15:30
Dutkanbeaivvit 2016 - doalut Sámi allaskuvllas
Deaddil dása beassat njuolggotsáddagii.
Dutkanbeaivvit leat našunála dutkanfestivála mii lágiduvvo Norggas juohke čavčča (loga eanet Dutkanbeivviid ruovttusiiddus). Dán jagi fáddá lea "Ráját". Lágideaddjijit čilge fáttá ná: Galgá go sirdit buot rájáid? Doaba “ráját” sáhtášii mearkkašit olu. Leat sihke sárgát kárttas ja ráját olbmuid gaskkas. Dutkanbeivviin 2016 mii áigut dutkat rájáid iešguđetge vuolggasajis, viŋkelis ja perspektiivvas. Mii guorahallat mo rájáid jávkadeapmi sáhttá veahkehit olbmuid, ja mo máilbmi šaddá buoret báikin go dutkan sirdá rájáid.
Sámi allaskuvlla mihttomearri lea čalmmustahttet dutkamušaid sihke Sámi servodagas ja našunála dásis golbmalágan doaluid bokte.
- Dutkiid diŋgon. Mii fállat dutkiid logaldallin vuođđoskuvlla ja joatkkaskuvlla oahppiide. Skuvllat besset “diŋgot” dutki boahtit skuvlii doallat logaldallama. Dutkanráđđi lea juolludan dasa lasi ruđa, ja mii sáddet dieđu skuvllaide dán vejolašvuođa birra árrat boahtte čavčča.
- Dutkandoalut Sáhkaskáiddis. Dutkandoalut streamejuvvojit neahtas illun sidjiide geat eai sáhte boahtit Guovdageidnui geahččat daid.
- Dutkangaskkusteapmi. Sámi allaskuvla fállá mediaide populeara dieđalaš artihkkaliid ja radio- ja neahttalogaldallamiid áigeguovdilis fáttáin maiguin min dutkit leat bargamin.
Sámi allaskuvlla dutkanbeivviid lávdegotti fágagođiid lahtut leat Ylva Jannok Nutti, Ánte Aikio ja Torkel Rasmussen. Dutkanálddahusas searvá Jonne Sikku.
