Buohkat geat galget Diehtosiidii fertejit čađahit 15 minuhtasaš e-kurssa njoammuneastadeamis.
Ođasvuorká
Oadjebas oahppojahkái ráhkkanan
Koronadili geažil šaddá veahá earálágan oahppojagi álgin Sámi allaskuvllas. Studeanttaid ja bargiid oadjebasvuohta lea váldovuoruheapmi ja allaskuvla lea dárkilit ráhkkanan go Diehtosiida viimmat fas rahpasa studeanttaide.
Oahpuid álgimat 2020 čavčča
Oahppojahki 2020/2021 álgá mánnodaga 17.08.2020 Sámi allaskuvllas, Diehtosiiddas.
Sámi ofelaččat 2020/21 oahppojagi
Elle Rávdná Näkkäläjärvi (19), Guovdageainnus eret, Mirja Cicilia Andersson Renander (18), Nerskogenis eret, Lemet Johanas Nystad (21) Kárášjogas eret ja Vibeke Persen (21), Deanus eret leat válljejuvvon sámi ofelažžan boahtte skuvlajahkái.
Sámi oahpaheaddjeoahpuin ain sajit ohcanládje
Rabas oahpposajiide sáhttá ohcat suoidemánu 20. beaivvi dii: 09:00 rájes oktasaš sisaváldima (Samordna opptak) bokte.
Sámi allaskuvla rabas fas maŋŋel koronagiddema
Geassemánu 15. beaivvi rájes lea Sámi allaskuvla fas rabas maŋŋil go lea leamaš giddejuvvon moadde mánu koronadávdda njoammuma eastadeami dihte.
Fágaođastusa evaluerenbargu
Sámi allaskuvla lea ožžon stuora dutkanbarggu mas galgá háhkagoahtit dieđuid das movt ođđa oahppoplánat váldojuvvojit atnui sámi skuvllain ja muđui sámi ohppiide.
Historjjálaš dáhpáhus Sámi allaskuvllas
Dál lea vuosttáš geardde go logi masterkandidáhta válde sámi vuođđoskuvllaoahpaheaddjeoahpus mastergráda ovtta beaivvis. Oktiibuot leat otne čađahuvvon čieža masterseminára.
Filbmaoahppu ja dokumentára buvttadeapmi sirdojuvvo giđđii
Filbmaoahppu ja dokumentára buvttadeapmi mii galggai álggahuvvot boahtte čavčča sirdojuvvo 2021 giđđii.
